■蟲泰被揶揄：「沒有黃毓民，生猛過從前！」fb截圖「熱城」狂攻狗主（黃毓民），但在立法會選舉期間曾高呼「沒有黃毓民，我們什麼都不是」、現已成為「尊貴的議員」的蟲泰（鄭松泰），至今仍沒有回應過事件。不少狗主的支持者就狂批蟲泰，稱他一當選就忘記了自己之前說過什麼，有人更揶揄他會否擔心「生仔冇屎忽」。
「熱城」狂咬狗主，有其他激進派睇唔過眼。「無敵神駒」仇思達就爆「熱狗」的《熱血時報》涉嫌誇大其網台節目的收聽人數，而「熱狗」對此吞吞吐吐。例如被狗主踢走的「城邦派國師」傻根（陳云根），此前首次主持「熱狗」的網台節目《建國神話》，「熱狗」其後高調宣稱有2萬人收聽、並籌得9萬元「課金」云云，但前晚該節目的第二集則「無聲無息」，更為「篤數」之說增添了可信性。
長期潛水賴當選多嘢做
狗粉以至其他激進派網民自然借機反攻。自稱「熱血公民」和《熱血時報》已經「分家」、在「熱城」咬狗主期間一直未出過聲的蟲泰，也成為被針對對象。蟲泰近日在fb出帖，聲稱自己當選後好多嘢做，包括議會工作啦、地區申訴啦、黨務安排啦、出版著書教育大眾等等。
「Simon Chau」就留言挑機稱：「可唔可以交代下（吓）《熱血時報》篤數問題？口頭『分家』唔代表真係無關係，咁多風雨都唔交代清楚，等同無誠信。《熱血時報》好似『共產黨五毛』咁周圍批鬥又被揭惡行，你唔可以獨善其身，香港人唔係咁易呃，唔清唔楚即係你都有問題。」
蟲粉即時反擊。「David Lee」稱：「『熱血公民』同《熱血時報》係分開運營，點解你唔去問黃洋達？」「Kasper Tang」也聲言：「你懷疑《熱血時報》篤數，你走去（問）「熱血公民」主席要佢交代？你冇×嘢嘛？死返出去啦！」
不過，「Simon Chau」並未被拋窒，回擊道：「議員要（有）責任回應選民質詢。因為兩者唔係完全無關，口頭『分家』就可以好似政府啲外判工程咁，當自己無晒責任？收到捐款市民無權質疑你可唔可信？......我保留鄭議員作為公職人員嘅顏面，希望佢唔好迴避以為口頭『分家』同沉默，就可以一邊由《（熱血）時報》打壓潛在競爭者，一邊令「（熱血）公民」安然吸納一般市民支持，但既然你地（哋）支持者本身難以跟上，係要用爛仔手法去打爛你個如意算盤，我留一手都無用。」
參選擦鞋金句再被回帶
「Kate Katherine」也上載了蟲泰曾經說過「沒有黃毓民，我們什麼都不是」的報道截圖，揶揄道：「沒有黃毓民，生猛過從前！」蟲泰只弱弱地回應，「嗯，我地（哋）會比過往更『熱血』，會沉著（着）地一點一點努力......大家都為自己的香港努力，唔會有邊個欠邊個，做好自己就是。」
想避重就輕，唔答當冇事？批評者當然唔會放過佢啦！「Isaiah Ng」揶揄：「莫非贏左（咗）就唔記得自己講過咩做過咩！輕輕帶過？唔係嗎（嘛）......」「KL Cheung」更「詛咒」道：「呀，同埋主席（蟲泰）我想請問你，你驚唔驚你同你老婆會生仔冇屎忽架（㗎）？無其他嘢嘞，我出返去先！」
賴傻根搞事 為蟲泰開脫
有人就試圖為蟲泰開脫。「Eddy Chan」稱：「可惜陳『瘋雲』（傻根）的網上支持者，不停消費緊鄭松泰『熱血公民』嘅努力，食緊真正付出抗爭者義士嘅『人血饅頭』，......陳雲『國屍』專傷害真正為香港民主付出的人，一個小人×家剷死全家！」 ■香港文匯報記者 羅旦
