「熱狗」主席鄭松泰鬧公眾白痴、承認自己只係同「青年新政」等人扮friend，成為政圈熱議新聞。為咗解圍，「熱狗」又開始講到自己大仁大義，鬧「青政」都係為咗幫已經決裂咗嘅「狗主」黃毓民。「熱狗」鄭錦滿（「四眼哥哥」）前日亦喺facebook出文，話自己原本諗住舊年敗選後就返澳洲，「但9月5日在機場博覽館看見建制、『泛民』、『本民青政』同叫『一票不投黃毓民』、『教主駕崩』的場面；以及一些口講支持『熱普城』，開票時卻站在『本民青政』那邊的人的嘴臉，令我立定決心留下來戰鬥到底。」不過，有「本民青」陣營中人就踢爆話，當日根本冇人咁嗌喎。
辯稱幫狗主 網民質疑
雖然鄭錦滿個post下有唔少「熱狗」留言支持，但講到自己咁大仁大義，最終只係引來更多嘅「狗主」黃毓民支持者嚟算賬。「Archie Fan」就怒問︰「『教主』家下（吓）比（畀）你班冚×剷『清算』，你講乜×野（嘢）呀！？」「Tsz Hay Chow」亦反問︰「咁點解你唔繼續留晌（響）毓民身邊支持佢保護佢？」「Sam Cheung」就突破盲腸話︰「『本民青』衰，唔代表『熱血公民』一定正直。」
向來黐「本民青」嘅中大周竪峰就喺fb出post話：「鄭錦滿再以謊話掩飾謊話」，「點票當晚，我全晚都在博覽館內，到天光才走，從來都沒聽過有任何『本民青』的人『同叫』甚（什）麼『教主駕崩』或者『一票不投黃毓民』。」最終仲大鬧「熱狗」係「契！×！弟！」
「本土民主前線」發言人偉哥仰（黃台仰）亦出post鬧︰「其實『四眼』都唔係第一次抹黑『本民前』啦×你老母。由完左（咗）選舉又話我想溝佢條女，又話我傳耳語黃毓民『收中共錢』，又話我陷害『義士』坐監。」偉哥仰話，所有抹黑唔係澄清咗就係冇證據，都唔知佢想點，仲話「過去抹黑咁多次『本民前』，發現我地（哋）唔會回應就以為可以持續落去？我地（哋）唔想浪費時間同你打泥漿摔角咋正直仔。」 ■香港文匯報記者 甘瑜