■「水媽」辱罵港人的帖文，被仇思達截圖上載到fb。fb圖片身為「熱狗」主席的立法會議員蟲泰（鄭松泰），早前被爆出話「公眾都係白癡」的錄音後，有一班「熱狗」試圖幫他「漂白」，話係斷章取義、抹黑咁話。不過，心裡面嗰句一定冇可能長時間忍得住，在立法會選舉時與蟲泰拍檔參選、自稱「水媽」的「熱狗」張耀心，近日就發帖稱，「香港只剩下『熱城』是最後的人類」喎，當然被群起而攻，「嗰班街坊喺你『熱血公民』嘅眼中，既白癡又唔係人......何苦戴上面具，扮作親民，搞什麼『地區工作』，折墮到要『跪地餼豬乸』呃票？」■香港文匯報記者 羅旦
「無敵神駒」仇思達等一眾「本民青政狗」追住「熱狗」來咬，包括起底近日頻頻落區的鄭松泰議員辦事處阿公岩社區主任黃敬業，及屏山南社區主任鍾雪兒，就係搞「清算」嘅人，又質疑蟲泰話過「公眾都係白癡」，佢哋落區都係為咗選舉而虛與委蛇，選到選唔到都會咬你班「港豬」一啖，要小心提防，上演了一幕又一幕「獨派」的狗咬狗骨戲碼。
所謂「豬一樣的隊友」，幾個「熱狗」口中忍住唔再口出惡言，但「水媽」呢位阿嬋近日發帖，話「香港只剩下『熱城』是最後的人類，『土共』、『親共』、『泛民』、『泛本土』都是吸血的怪物，其他人會是將被犧牲的傀儡」咁話。即係話，只要唔係「熱狗」，無論你立場如何都唔算係人喎。嘩，納粹黨喺最瘋狂時都好似冇話過，唔入黨就唔係人噃，睇嚟「熱狗」真係惡過納粹黨。
仇思達當然唔放過呢個機會，cap圖兼發帖道：「繼鄭松泰謾罵『大（公）眾係白癡』之後，在選舉名單緊隨其後的『水媽』張耀心，竟稱『香港只剩下「熱城」是最後的人類』，即係話唔支持『熱城』就唔係人。......全世界都唔係人，得佢哋『熱狗』同『青城派』先係人喎。」
他批評，「一個口出狂言、妄自尊大、目中無人嘅政黨，又何苦戴上面具，扮作親民，搞什麼『地區工作』，折墮到要『跪地餼豬乸』呃票？嗰班街坊喺你『熱血公民』嘅眼中，既白癡又唔係人，市民啲票『熱狗』唔好要喇，費事要咗背脊骨落。」
仇思達批參選扮親民呃票
仇思達又揶揄，「成班嚴重中二病人，幻想『世界將我包圍，誓死都一齊，壯觀得有如懸崖的婚禮』。希望佢地（哋）唔會好似國外邪教咁，最後走上集體自殺之路。」有網民就留言笑稱，「熱狗」一向都係咁，又揶揄搵錢最重要，佢哋點捨得自殺吖。
此前被仇思達追殺的網民「陳到」黃敬業，就試圖掛起「免戰牌」，稱「由於所謂的罵戰已經對本人家人做成困擾，故一直用的個人戶口已關閉，以保護家人」。不過，他就忍唔住再發一帖，為自己搞所謂「關愛座獵人」辯護，話自己唔係「仇老」，「係覺得依（??）家關愛座既（嘅）現象好荒謬，我們選擇坐下，係希望社會重回正常會禮讓的風氣。......我都唔仇老，咁幫長者量血壓，又有幾虛偽呢？」
仇思達就引用黃敬業此前的帖文反擊：「你推住架BB車，點解要同班老人『眼神對峙』，迫人讓座俾（畀）你陳到？你個仔咪坐緊BB車囉，根本就（係）你條×街想坐！咁都未算，條×樣（黃敬業）仲要用架BB車『唔小心轆到人地（哋）對鞋』，然後扮嘢『道歉』，之後就話自己個仔『大笑』、『父子心有靈犀』，咪即係專登囉！×你個街，呢啲心腸歹毒嘅賤人，真係唔好走去扮關心社群啦。兩面三刀，佛口蛇心，人唔笑『熱狗』都吠。」
「藍鳳凰」爆辱罵長者還拖
話說回來，鬧人哋衰人嗰啲，其實都唔見得係好人。「熱城」支持者「藍鳳凰」就上載一幅仇思達及其「益友」辱罵長者的帖文截圖，以其人之道還治其人之身。其實，大家都係一擔擔，就不用分得那樣細啦！
