■馮檢基在fb分享了一篇評論挺自己，結果被網民鬧爆，話佢唔知醜。香港文匯報訊（記者 羅旦）各黨派為可能舉行的立法會補選爭崩頭。在九龍西爭位者中，在立法會選舉中落敗的民協前主席馮檢基，就排除了黨內「新人」，成功「永續參選」，結果俾人鬧爆。近日，他在facebook分享了一篇評論，其中提到已退黨的莫嘉嫺「始終拎唔到黨內大部分人的民心」，而原有意出選的何啟明則「鎮唔住」黨內其他想上位者，隨時搞到民協內訌，所以「呢場補選一定要齊心推基哥上」喎。結果？再次俾人鬧爆，話佢唔知醜囉！
馮檢基近日在fb轉發了自稱「一個既討厭黃絲、 又討厭藍絲的媒體人」劉信在《線報》的評論文章，稱譚國僑及莫嘉嫺「其實都好想上位」，但前者在立法會選舉落敗，已證明他無力接棒，而「新進」何啟明能夠上位，則證明後者「始終拎唔到黨內大部分人的民心」，但如果馮檢基將個位畀何啟明，兩人一定唔妥，導致民協內訌甚至「滅亡」。
文章稱，西九目前沒有人的知名度比得上馮檢基高，可以搶回民協失去的議席，莫嘉嫺或何啟明都難以在反對派的「初選」中取勝，所以先搶議席，「下屆再談交棒」才是有策略的做法咁話喎。
不少網民留言揶揄。「Chung Him」說：「成篇文講到尾就係『知名度』三個字，你從政咁多年，得呢個selling point（賣點），你唔醜咩？」「Eddie Lee」則指，「應該上次抬譚國僑上就嘜（乜）事都無啦，去新西選根本就是送死，（工黨）李卓人就俾你玩死......」「Alex Tsang」就稱：「不如你地（哋）個黨執左（咗）佢，或者同其它（他）政黨合拼（併）啦！」