■菊梓喬香港文匯報訊（記者 梁靜儀）菊梓喬(HANA)、翟威廉、周志康及譚嘉儀昨日到尖沙咀出席Big big channel《big big voice大聲作樂》記者會。翟威廉表示近日為了多做big big channel網上直播而搬到旺角，與家人合資三百多萬買入一個三百多呎的單位做錄音室。他笑言有兩頭住家，但很多時都留在錄音室。說到該區有很多「一樓一」？他說：「我OK的，那裡比大家想像中舒服，又近港鐵站，是個不夜城，我就未見過有『一樓一』，因為那裡係商住大廈。」
說到他為了big big channel投資大，他說：「我都諗住置業同創業，同家人商量後就同哥哥搬出嚟住，但𠵱家未有接到生意住，因為 big big channel本月廿三日至正式開，相信到時公司會幫我搵客。」他又承認之前曾帶過劉佩玥上錄音室做Live，而佩玥亦有帶過女性朋友上去玩，而周志康、張名雅及陳庭欣亦有上過去，但何雁詩就未上過去。
HANA表示很少玩直播，有時見到環境靚才會做直播，跟大家傾偈，有時也會遇到網民有奇怪留言，有粗口及難聽到唔可以出街的，惟有當看不到。問到會否感到不開心？ 她坦白說：「初時試過唔開心，因為初出道的評論好誇張，之後發現唔使理會。」說到她近期成了主題曲天后？HANA否認道： 「唔係，(頂替吳若希一姐個位？ ) 沒這事，自己唔係呢個位，開心公司畀機會，呢個係兒時夢想，每次睇返套劇有自己個名，唱到劇集歌好開心，𠵱家有三首劇集歌。(怕唔怕被人聽厭？ ) 唔緊要，好似夫妻咁，最緊要保鮮。」她透露稍後會與王浩信合唱。