香港文匯報訊（記者 羅旦）工黨原主席胡穗珊辭職兼退黨，矛頭指向身為工黨副秘書長的何姨姨（何秀蘭）。有反對派中人就狠批何秀蘭「迫走成個黨最有希望的年輕人」，有人更話根據自己親身接觸何秀蘭的經驗，話佢「人品絕對有問題」，有人更燒到李卓人身上，話佢治黨不力。
反對派中人「林忌」在工黨宣佈胡穗珊辭職及退黨後發帖，不點名批評何秀蘭：「有一個人，當年跟阿姐（劉慧卿）衫尾入（以前綫身份）議會，反目退黨收場；想埋大狀（公民黨）班，最後不歡而散；平日滿口關懷年輕人，最後入左（咗）個黨，卻迫走成個黨最有希望的年輕人；點人數嘅嘢你唔識咖（㗎）喇，退休啦！」（見圖）
網民斥何「人品有問題」
趕走「年輕人」？哦，原來胡穗珊只係得36歲，相對已經五十幾的何姨姨當然係年輕人啦。不少網民加把口。「Anna Lo」留言道：「此人（何秀蘭）虎頭蚭（蛇）尾，在做區議員不理區內事務，只想做立法會議員，但是有破壞無建設。」「Ching Ching」更指：「最×憎何秀蘭，人品絕對有問題，我親身領教過好多次，無恥賤人一個，我話嘅！」
李卓人被指「治黨不力」
有人就將矛頭指向工黨和李卓人。「Lam Wai Kin」指出：「問題係工黨班友當睇唔到，×街哩（呢）尐（啲）嘢真係唔洗（使）分得咁細！」「Vincent Wai Kit Man」直言：「李卓人治黨不力。」