■張秀賢放置易拉架偷步造勢(紅圈示)。「獨派」為重整旗鼓，幾污糟嘅手段都肯用。有意參加新界東補選的前「學民思潮」發言人張秀賢，近日在大圍港鐵站外舉行「一地兩檢」街頭論壇，現場展示其巨幅照片的易拉架，明顯是為了立法會補選偷步造勢，「本土民主前線」召集人黃台仰（偉哥仰）也參與了論壇。咪住先，黃台仰係一直死撐「道義上」應該將新界東個位畀返「青症」嗰噃？佢到底係幫張秀賢搶「青症」個位，定係搵個人同傳統反對派爭DQ 4中「長毛」梁國雄個位，好渾水摸魚？咁就請大家自行判斷囉！
易拉架偷步造勢
張秀賢近日舉行「一地兩檢」街頭論壇。名為街頭論壇，實為針對選舉的街站，唔單止邀請「佔中三丑」的戴耀廷同DQ 4中的姚松炎助選，仲邀請埋「本土民主前線」發言人黃台仰。擺埋自己嘅易拉架，與其他「港獨」分子合流，擺明係要同其他反對派中人搶議席啦。
「本民青政狗」fb專頁「一盅兩件」就對張秀賢極度不滿：「這個議席在政治倫理上來說，一定是屬於『青年新政』的，因為梁頌恆是一名獲得近4萬票的『民選立法會議員』，卻被香港法院『無理奪去議席』，而非被香港市民的選票踢走！你張秀賢卻在這時搶議席，在道德上說得過去嗎？」
梁頌恆被DQ，補選何時進行亦未有消息，張秀賢這麼快進行隱性選舉工程，擺明趁佢病攞囥R，搶「青年新政」個議席。不過，一直死撐「雙邪」嘅黃台仰出席咗對方個論壇噃，係咪應該鬧埋佢「助敵」呢？講到底，政棍都係為了議席。生為議席，死為議席，一切都為議席，因為議席係佢哋嘅「生命線」，為了議席，絕對「值得」自相殘殺。 ■香港文匯報記者 鄭治祖