被指為「青山新症（青年新政）」嘅「狗頭軍師」林浩基，一向被視為「Cheap禎」游蕙禎隻兵，雖然都係社運界用嚟恥笑吓冇咩實質作用，但走去「投敵」就一定要清算。話說林浩基日前竟然喺「熱狗」女主持法子嘅食熱狗相度畀心心，即刻俾親「本民青」嘅facebook專頁「香港癲佬力量」cap圖擺上網公審，鬧佢自己俾「熱清城」清算過都咁冇骨氣。有人就戥「Cheap禎」唔抵話︰「時窮節乃現，見禎禎就快入去痞（踎）離棄佢。」
「癲佬」斥「溝女食女麻甩仔」
「香港癲佬力量」噚日出咗上述帖文，仲話︰「社運界一啲都唔複雜，其實成個運作好簡單。好似老千達咁，擺幾件靚女出嚟護住個雞棚，原來又真係WORK（可行）架（㗎）喎。......社運界太多一心諗住溝女食女嘅麻甩仔，冇眼睇。」（見圖）再加上「林浩基」、「社混」等標籤。「癲佬」其後回應人哋留言時再講多句︰「佢自己都俾人清算過搞過，都咁唔爭氣，睇到真係好激氣。」
隨即就係討伐林浩基嘅聲音啦。「Patrick Ng」就話︰「呢條毒×就肯定係抵×死唔抵可憐啦，慧（蕙）禎BB波皮都摸唔到，衰到連對家有件似人樣嘅都忍唔住扯哂（晒）旗照like，冇骨氣兼冇前途啦直頭。」「Chris Wong」亦話︰「林浩基真係不愧波皮黨。」「Sam Yiu Tong Wong」則謂︰「林浩基呢d（啲），八個字：成事不足，敗事有餘。」
有人就攻擊法子嘅外貌，話佢對大眼con大到眼白都唔見咁滯，「Yuen Siu Mo」更問道︰「外星人進食有咩好睇？」
林浩基回應件事時就輕描淡寫話︰「So sad，我唔識佢。」不過，佢畀法子嘅心心就依然堅定，冇去收返，但之後就喺自己fb轉載返「Cheap禎」嘅文。咁人哋鍾意服多重「兵」役，又冇話唔得嘅。只能夠講句時窮節乃現，日久見「淫」心。 ■香港文匯報記者 甘瑜