「幻覺嚟嘅啫，嚇我唔到嘅！」前日打十號風球，全港橫風橫雨，不過「城邦派國師」傻根（陳云根）竟然話自己住緊嘅沙田無大風大雨，「城邦派」「地盤」大角咀更加係出太陽，全因有「城邦神壇結界保護」喎。最搞笑嘅係，喺吤X呢個帖文半個鐘之後，佢就分享咗一段城門河邊行人路同單車徑水浸嘅短片，真係唔知佢咩玩法！
不過，佢班「信眾」反正就是信了。 雖然「Steven Li」提到城門河水浸，但「Bernadette Wong」竟然話只係浸到沙田友唔敢出街，同埋無垃圾沖上岸，「唔係國師肯為我們係乜？」「Alan Fok」就話天文大潮一定會水浸，以「城邦派」嘅人力盡晒人事㗎嘞，唔可能求防風雨同時又求防水淹喎。
「Andy Mak Chun Wai」問到傻根點解唔開「結界」，傻根就理得你死：「我在沙田嘛，想死咩，這些海潮就由得他。」■香港文匯報記者 陳庭佳