■周竪峰公開信中大學生會前會長兼中大新亞書院學生周竪峰，喺校園內以「支那人」辱罵喺民主牆前的內地學生，俾人拍咗段片擺上網，其後不斷流傳播放，令全城都見到佢「精神失常」嘅樣。連新亞書院院長黃乃正都發文直斥佢嘅行為「粗暴惡劣」，但表示對其批評係「愛之深，責之切」。
殊不知，佢非但唔體諒院長對佢嘅良苦用心同「不棄師生之義」，仲要喺自己fb發表一封題為《本人就新亞書院公開信及校園言論自由問題近日發展之公開回應》嘅公開信，輕描淡寫地稱自己當日嘅「精神失常」只係「有失風度」，更聲言要喺大學教育、言論自由以及義理之辯的問題上向黃院長「挑機」，如此目無師長，唔通只係「有失風度」？
周竪峰喺公開信裡危言聳聽地恫嚇：「學界的言論自由，正遭逢重大危機。無論任何人在民主牆發表何種言論，都不應遭受監控，不應遭受在私隱、在生計上的恐嚇！」又聲稱「事發時內地人明顯違反民主牆守則、侵害他人言論自由，並且屢勸不聽，甚至作出挑釁行為。」
其實，喺民主牆發表「港獨」言論，已經超出言論自由嘅界限，屬違憲違法行為。網民 「Carmen Zheng」就反駁周竪峰：「討論根本就不是學界自由的問題，是違憲問題，犯法問題，犯法就會受到法律的制裁，包括學院。基本法已講明香港是中華人民共和國的一部分，還有討論的空間嗎？討論『港獨』已經構成分裂國家的罪行......」
挑機院長 要求公開對談
周竪峰又喺文中話：「一直以來，中國人有種對付香港人的套路。君不見『強力部門』、『執法機關』以限制港人自由來打壓異己；現在連中大小小民主牆的同學意見也要被人強行遮蓋！本人對於這些『中國模式』的行為，實在深惡痛絕，義憤難平！」
不過，此前在網上瘋傳的片段，已經證明內地學生一直禮貌周周，反之他就似瘋狗一樣暴粗及辱罵他人，這段分別是在歪曲事實，圖為自己「洗脫罪名」。
「Kevin Wong」就揶揄：「係哩，就係都要等你出言侮辱人先嚟打壓你呀可？你睇得自己太高啦。」「Sam Kok」就話：「以周流氓的格局，應該是他在打壓正常學生言論！」
周竪峰並聲言，自己想邀請黃乃正院長以「和平、理性、學術的態度公開對談」。佢有「和平」、「理性」、「學術的態度」嗎？「C.y.Ng」話：「呢張相（周辱罵內地學生時所攝）完全捕捉到崩潰同精神分裂嘅一刻！」
「Yan Lin」表示認同：「樣好恐怖。」
「Tulip Chang」更直言：「中大學生污言穢語，本身素質超低」。睇嚟在所有人眼中，佢真係同「和平」、「理性」、「學術的態度」冇任何關聯囉！ ■香港文匯報記者 鄭治祖