■青民一班新星出鏡拍宣傳短片。 短片截圖講到吸納年輕人聲音，除咗特區政府積極做嘢，一直培養大批政壇新星嘅青年民建聯又點會執輸？青民噚日喺facebook上載咗條短片，除咗主席顏汶羽（Frankie）呢個「舊人」之外，其他出鏡嘅都係民記未來重點栽培嘅新人，猛男嘅有胡綽謙、李均強、鍾健峰、蕭煒忠、陳壇丹佢哋幾個，更加唔少得兩朵小花植潔鈴（Elaine）同賴嘉汶（Apple）。
佢哋介紹青民會喺就業、住屋、學業多個範疇為青年發聲，亦都會支援成員嘅地區工作，如果青年想積極裝備自己，不妨加入佢哋嘅大家庭。
成班人拎住支自拍棍轉到暈咁滯，不過青民fb就話佢哋連飯盒都無！如果多啲青年才俊加入青民，相信佢哋都唔介意嗰一餐半餐嘅。 ■香港文匯報記者 鄭治祖