■梁家傑噚日黐咗埋「獨派」度，去支持「義士」，令唔少「港獨」分子開心畀like佢。 「東九龍社區關注組」fb圖片傳統反對派喺香港今時今日嘅政治光譜下越嚟越失色，再唔諗下計都幾閉翳。公民黨主席梁家傑噚日就黐咗埋「獨派」度，去支持「義士」，令唔少「港獨」分子開心畀like佢。又係嘅，話晒公民黨之前都仲係割席團體之一，梁家傑仲話過「立此存照反對港獨」，𠵱家反而去幫佢哋手，真係大突破嚟㗎，連「獨滔」（陳澤滔）主理嘅「東九龍社區關注組」都即時轉風向話「多謝傑哥」、「做得啱就要讚」。
「獨派」團體「東九龍社區關注組」、「星火同盟 抗爭支援」同「守望前線」噚日喺觀塘擺街站，??市民寫聖誕心意卡去「支援抗爭者」，竟然有梁家傑做嘉賓助陣，仲話到明「唔只13+3（東北案13名被告及雙學三丑）佢都肯幫手」，咁即係「旺暴」班人都支持啦。「東九龍社區關注組」形容呢個係「好好嘅示範」，「唔同立場、政治光譜嘅朋友都會有合作嘅空間」喎。
梁家傑仲出盡牙力話班「抗爭者」「對香港作出的付出是無私的，對香港的承擔是真誠的」，難怪班「獨派」支持者都反應非常正面，「Charles Low」就話︰「係抵讚既（嘅）。」「Lai Chun Rex」亦表示︰「我會鬧『泛民』，都鬧過梁家傑，但今次真係要多謝佢。」你話「獨派」幾易??呢。 ■香港文匯報記者 甘瑜