logo 首頁 > 文匯報 > 政情與評論 > 正文

【網議政事】傳真社又籌旗 黃絲乘機翻舊賬

2017-12-20
■《傳真社》創辦人吳曉東在fb直播講述財困。 fb直播截圖■《傳真社》創辦人吳曉東在fb直播講述財困。 fb直播截圖

喺民主黨釘書健(林子健)單奇案中起朵嘅網媒《傳真社》,到咗年尾就大呻冇錢,話剩返嘅資金只夠運作到本月底,要急籌差唔多四球嘢應付下年開支,叫人課金支持佢哋。不過,佢哋似乎就冇可能喺班「黃絲」嘅手指罅度攞到一個鏰嘞,因為班「黃絲」方丈仲記住佢哋點樣篤爆釘書健講大話,叫佢哋如果撲水就過主喎。有人就頂唔順班「黃絲」一時又話新聞自由,一時又要操控媒體,揶揄︰「總知(之)反『泛民』就係鬼啦!」

《傳真社》話佢哋兩年前成立至今籌到780萬,但係計計埋埋記者人工、屋租、水電煤、查冊、海外偵查等支出,每年要使380萬,雖然已經開源節流,炒咗兩個記者同埋再搞眾籌項目,但𠵱家只係剩返廿零萬,只夠運作到本月底,叫人如果唔想睇住佢哋死,就要參與佢哋個訂閱計劃,希望籌到380萬蚊,就算無咁多都希望頂得一時得一時。

踢爆釘書健 被質疑係鬼

為咗籌旗,一向標榜「中立」嘅《傳真社》,仲向自命最樂於支持小本經營嘅「黃絲」跪低,話佢哋都「犯過錯」,累積寶貴經驗。邊單?估都估到係釘書健單嘢啦,當時佢哋俾班「黃絲」兇兩兇,仲改咗「黃絲」覺得「偏頗」嘅標題�w。

犯「黃絲」者,跪低未叩頭都唔使旨意當冇事!好似「FFai Lun」就「讚」《傳真社》喺釘書健單嘢做得咁好,「黨應該好快會幫你」,「當日佢哋確實係配合個大龍鳳,報道一出街即時拘捕喎,而一個咁專業嘅媒體,又竟然犯咗咁嚴重未審先判問題,配合主旋律輿論,又唔係好可疑咩?」

「H.c. Leung」更加質疑佢哋係「鬼」,「差佬下死命(令)唔可以畀傳媒拎片,你拎到?毒果(《蘋果》)玩咁多年狗仔都拎唔到喎。」「Chris Chan」就覺得單嘢令佢哋得罪「黃絲」,「仲邊有人捐錢畀你?『本土』班人又無錢嘅,少理政治嗰班就更加唔會捐畀你喇!」

平時又話新聞自由,呢刻人哋揭穿大話都唔得,唔少網民都頂班「黃絲」唔順。「Michael Wong」就話:「傳媒本身就應該中立,林子健自己×咗,怪得邊個?佢哋講返真相有咩問題?」「Ah Don」亦都話:「總知(之)反『泛民』就係鬼啦OK?」 「Man Le」就表明會再課金,「正因為林子健事件,為報道真相,無懼得罪『泛民』霸權,相信你哋好過相信『泛民』成日講關鍵一席 。」

年使380萬 月出2.6單料

有網民就質疑《傳真社》個運作模式根本維唔到皮。「Kai Lung Ho」認為佢哋喺釘書健單嘢根本無錯,「不過,次次要眾籌,仍未找到自負盈虧之路,都唔係辦法。」「Jason Jason」就話佢哋每年要使380萬,但平均每月只係出2.6篇新聞,「成本好高,或者個CEO人工好高,福利好。」「查理」就不滿佢哋唔早響,「係都早幾個月講啦!咁急財務公司都唔得啦!」 ■香港文匯報記者 陳庭佳

讀文匯報PDF版面

新聞排行
圖集
視頻