■對於被封視后大熱，宣萱認為愈熱門就愈未必中。香港文匯報訊（記者 梁靜儀）宣萱昨日到中環出席法國嬌蘭護膚品牌活動，現場又分享養生及護膚心得。
有份入圍角逐無綫台慶頒獎禮最佳女主角的宣萱，對於被睇好會得獎，她表示多謝，但認為永遠有驚喜，愈熱門就愈未必中。問到是否冇信心？她說：「現在平常心，唔會太緊張，有獎攞就開心，相信得獎嗰個喺2017年都花咗好多心機去拍戲，自己都好畀心機拍。」她又稱拍《不懂撒嬌的女人》時沒想過迴響及收視如此好，到現時出街仍會有人叫她劇中的角色名Mall姐，心裡已好滿足滿意，並視該劇為入行廿五年來的代表作。
勤敷面膜通淋巴備戰
問到今年會否再拍劇？她表示同TVB都會有合作，暫時提過一套，貴精不貴多，現時拍戲追求開心，除了角色同團隊之外，對手都好重要，如果夾唔到就好困難，其他控制不到的就不理會。她又透露應該會再開拍《使徒行者3》，她又說：「阿Mo（陳豪）個角色死咗，除非翻生，（會接拍？）睇對手，上次都係因為阿Mo，呢個係接拍其中原因，仲有Chilam（張智霖）同古仔（古天樂）都想合作，但古仔未必會睬我。」問到是否會拍《尋秦記》電影版？她說：「你哋問返古仔啦！我都係聽order做嘢，都有啲期待同緊張，咁多年都冇合作，對佢都有信心，佢會有把握先至開拍，都係值得等。」她笑謂若再合作，別人一定會拿他們的舊作比較，所以現時有得休息就休息，又會勤敷面膜及做機通淋巴，還有刮痧，畢竟已不是十幾歲。問到是否同古仔一齊做？她笑說：「男人唔使啦，其實男人好處就係變成點都冇所謂，只會更有男人味，但女人唔得。」她謂放假比開工還要忙，除了要做運動及美容，還要見朋友。