何女士：加咁多租壓力好大
加咁多租對我好大壓力，我個單位面積得200多呎，月租2,000多元，加上水、電、煤氣費用，每月開支都要3,000元，仲要畀醫療開支，雖然兒子有工作，但收入不多亦不穩定，搵埋都唔夠交租，如果有租金援助幫補一下都是好事。
陳女士：負擔大要死慳爛慳
我個單位面積得200多呎，但因為樓層高，月租要2,700多元，再加租8%就要接近3,000元。我老公已經過身，暫時靠仔女幫補交租，但都要自己補貼一部分，加上我有骨質疏鬆和要買助聽器，每個月都要使200元，如果加租真係好大壓力，要死慳爛慳。
江女士：租援未必幫到幾多
加租8%是意料之內，早兩次都係加咁多。我們住觀龍樓的舊樓，租金相對較觀龍樓新樓便宜，影響都無咁大，但新樓租金貴點，同一加幅下租金加得多一點，住戶負擔可能較重。
租金援助未必幫到幾多，舊樓住戶多數是獨居長者，容易申請；新樓住戶較年輕，父母尚未退休，仔女剛進入社會工作，唔上唔落，家庭入息可能會超出限額。
郭先生：私樓劏房加幅更高
加租8%是意料之內，我現在所住單位面積400多呎，月租近2,000元，但我本身有做的士司機，月入大約1萬元，而且有積蓄，都算負擔得起，壓力不大。公道點說，外面的私人物業、劏房租金更貴，加幅更高，但居住環境又不見得好幾多，租金援助亦多少幫補到有經濟困難的人，比起在外面租房不算吃力。
圖/文：香港文匯報記者 岑志剛、顏晉傑