![](http://image.wenweipo.com/2018/01/15/a26f.jpg)
香港文匯報訊(記者 植植)由黃子華和佘詩曼主演的賀歲片《棟篤特工》,將於下月15日年三十晚隆重獻映。昨日電影公司發佈首條《棟篤特工》官方宣傳片,片中子華飾演的特工「Mr.Chan」大放異彩,造型多又爆笑,不過呢位港版007因為對阿佘悔婚,唔止被扮演madam的阿佘指派執行不可能任務,阿佘一見子華更加眼火爆,講到明:「如果玩你有個限期,我希望係一萬光年!」但子華即刻更正:「光年係一個距離的單位來的。」
子華在預告片內除了顯示 Mr.Chan 的特工強項:有腦、有型、睇得、打得、U女得之外,仲有多個奇幻造型,包括穿高腰牛仔褲嶺I囊、亂髮配充滿霧氣的眼鏡,兼掛個老土腰袋,最抵死係要戴埋一個嘟嘴膠面具,騎呢到不能,引起戲中拍檔C君的恥笑,結果C君就被子華打到飛埋牆。
另外,子華又有動漫cosplay以及一個笠電子頭罩的造型,他戴上連厚眼鏡的頭罩後,雙眼被放大到近乎鬥雞,更被阿佘重刑伺候狠狠折磨。預告片去到尾聲仲有驚喜,就係子華激罕開金口唱歌,真係大驚喜。