■傅穎同Supper Moment為服裝品牌拍攝廣告。香港文匯報訊（記者 植植）長居北京的傅穎同Supper Moment（SM）昨日在屯門為服裝品牌拍攝廣告。傅穎去年同陳曉東合作，問到陳曉東開演唱會，傅穎表示想去睇，問佢會唔會做嘉賓？傅穎說：「呢個要問佢，不過我同佢、佢太太都有食過飯。今次拍廣告中會有4個造型，對酬勞亦非常滿意。(平時會唔會同男朋友做運動？)現在單身，上年和平分手，因為大家冇乜機會見面，不過大家仲有聯絡。(新一年想唔想拍拖？)暫時唔想拍拖。(係咪被對方hurt？)唔係，大家見面少，性格又係問題，大家係和平分手。」
講到昔日好姊妹鄧麗欣（Stephy）憑《空手道》獲頒「第24屆評論學會大獎」最佳女演員，傅穎表示：「好好，好開心，對演員嚟講都希望得到人嘅認同，恭喜佢。」會唔會打俾Stephy？傅穎話：「唔會，咁耐都冇打。(可以趁機會打破沉默？)得㗎喇，你幫我寫就得，大家各自安好。」