■「得罪講句」在Google搜尋職工盟的籌款戶口。 「得罪講句」fb截圖越掩飾，越出事。職工盟在海麗工潮期間被指「食夾棍」，到被質疑賬目含糊，但在交代時一啲都唔認真，「係咁㗎啦，好出奇呀！」結果？越揭越大鑊。職工盟總幹事蒙兆達此前接受傳媒訪問時話，職工盟清空咗一個銀行戶口，作為「罷工基金」專用，並出示有關的銀行戶口記錄，以示同職工盟個戶口係分開嘅，但就被人發現佢展示嘅戶口號碼，又同海麗工潮時叫人捐款嗰個唔同喎。蒙兆達在接受傳媒訪問時就改口話，海麗工潮用另一個戶口係「希望方便行政安排及作清晰結算」。咦，咁佢之前又話基金係「獨立運作」嘅？
蒙兆達此前就「落格疑雲」解畫時，話職工盟清空咗一個銀行戶口，作為「罷工基金」專用。職工盟秘書長李卓人日前接受商業電台訪問時，仲實牙實齒咁話：「呢個基金係獨立戶口，所以一睇就睇晒，唔會同我哋職工盟其他戶口混埋一齊。」
展示號碼與宣傳單不同
不過，fb專頁「得罪講句」早前翻查咗「罷工基金」的宣傳單張，發現海麗工潮時用嘅捐款戶口號碼係295-164578-010，但「罷工基金」喺碼頭工運時宣傳嗰個係295-164578-003喎。兩個戶口，邊個至真？
專頁就去Google「010」呢個no.，發現「010」個戶口用過喺幾次無關罷工嘅籌款項目度，包括尼泊爾賑災等：「喂，職工盟（HKCTU）你又話專戶，點知原來又用係（喺）其他地方，你介唔介意公開埋以前籌款捐左（咗）幾多呀？大家樂呢？......泥（尼）泊爾呢？你咁潔身自愛，一定唔怕公開比（畀）大家睇，係咪？」
自稱八十後公關公司小卒嘅「隨緣」亦喺網媒「輔仁媒體」撰文：「在公關學上，最錯的就是解釋的時候提供新證據令人覺得證據可疑。那大家又再跟你的戶口轉一次。提供的戶口號碼，003尾的，原來曾經在大家樂罷食、......用過。後來才變成碼頭工人的『抗爭基金』戶口。......2010年，為罷食大家樂籌款，但這次工運搞不成，錢又去了那（哪）兒？這兩點都叫合理懷疑了吧？」
他續說：「再看看他們宣傳物資（品）上的那個010字尾的戶口，原來2015年的時候曾用作尼泊爾賑災用途。即是不是蒙兆達所言，是『2013年之後清空為罷工基金』而設的戶口。......只要google 一下那些戶口號碼，第一頁已經是工黨的面書專頁為職工盟宣傳『尼泊爾賑災』的專題，如果所謂『本土派』KOL要打擊新界東的選情，首先他們就要問，究竟工黨知不知道，職工盟使用這個他們宣傳過的銀行戶口，去為海麗工人籌款。」
職工盟改口話收款再轉賬
蒙兆達在接受傳媒訪問時就話，「003」同「010」兩個戶口，都係職工盟「一早成立」的「備用戶口」，海麗工潮以「010」籌款，希望「方便行政安排及作清晰結算」，同埋「010」會將捐款餘額「全數」再存入「003」戶口。職工盟的基金獨立管理委員會後日會就公開賬目事宜開會，及在月內決定是否將報告上載互聯網咁話喎。
呢件事上，大家會信邊個呢？ ■香港文匯報記者 羅旦