新一代「戰神」終於誕生啦！在落格疑雲中，職工盟清潔工會幹事杜振豪將所有質疑職工盟嘅人都打為「惡意中傷」，結果激嬲成班KOL，累職工盟被人圍剿。佢近日又出post話質疑職工盟嘅人都係「蒼蠅」，問人點解用有「過百萬會員」嘅工會公開所有賬目，嚟同「三幾十萬港紙的罷工基金」職工盟比較喎。結果，真係老師又中，俾人踢爆基金明明之前有四十幾萬元，加上海麗工潮再籌得二十多萬元，結果剩返一半？又難怪俾人質疑落格囉！
犯眾怒嘅杜振豪可能越「戰」越過癮，近日再發帖辣質疑職工盟嘅KOL。佢話：「不得不欣賞，蒼蠅也有蒼蠅的專業。最絕的是，竟然用一個過百萬會員、會費逾億英磅（鎊）的外國工會，來比較一個有事籌款無事停擺、總數得三幾十萬港紙的罷工基金。獨立公司獨立戶口年年公開核數報告，當然最好。但如果用這個標準，民間籌款可以休矣。」
籌得逾六十萬變三幾十萬
本報冇話過佢係「獨」而佢自己亦唔認係「獨」嘅Kevin就喺坉荂u倫敦人妻先生手記」fb專頁還擊。佢點出杜振豪話「總數得三幾十萬港紙的罷工基金」：「你唔好嚇我呀！你個罷工基金在2017年8月31日有42萬（元），海麗村（邨）事件餘額係22萬（元），即係你個基金有64萬（元）。我唔知道一個幹事要幾唔上心先可以講到得『三幾十萬（元）』，你係想講六十幾萬（元）呀嘛？」
Kevin仲反駁杜振豪話佢好攞外國工會嚟同職工盟比嘅指控：「不是我強行要把你們比作外國工運組織，而是你們派過來的熱情粉絲叫我『係英國罷工基金都係呢種運作方法』，我先幫你用英國的工會黎（嚟）做比較架（㗎），依（??）家你又唔愛我比較啦？」
網民：捐得少就無數睇？
佢跟住就攞兩個細規模工會組織嘅做法嚟打臉杜振豪：「新加坡shell的員工都係3,100人左右，但係呢，佢地（哋）個工會個年報同財務報告都擺左（咗）上網，仲有成六十頁咁多，似乎擺唔擺上網，其實唔關規模事嘅。......員工人數只有1,300人的Batelco公司的工會，......但佢地（哋）呢個蚊型工會竟然都可以將報告放上網任人查，雖然只係好肉酸的一頁，但起碼叫做有嘛。......如果連一個在巴林小工會的標準也達不到，唔止民間籌款，連工運都可以休矣。」
fb專頁「得罪講句」也針對杜振豪嗰句「總數得三幾十萬港紙的罷工基金」同佢埋單：「罷工基金用淨42萬（元），再加海麗事件餘額22萬（元），點解會淨番『三幾十萬（元）』？42（萬元） + 22（萬元） = 三幾十萬（元）？」帖子仲標註「除左（咗）落左（咗）格我真係諗唔到第二個解釋」、「條數真係好難計」嚟寸佢。
另一帖則係揶揄杜振豪自稱係「蚊型工會」嘅講法：「職工盟邏輯：人地（哋）條數清係因為人地（哋）會費過億，我地（哋）得幾十萬（元）咁少所以可以求×其。」標註仲話「鬼叫你捐咁少」、「你捐過億咪有得睇我盤數囉」、「你捐咁少叫人點上心」、「完全係你問題」等。