■有網民上載職工盟的單張，裡面寫籌得款項「全數」捐予海麗嘅工友，咁正常人都會以為「全數」係指籌得幾多畀幾多啦！ fb圖片李卓人因為「罷工基金」呢單嘢引發罵戰，有人就考古2013年嘅新聞。當時，有傳媒翻查立法會的申報文件，發現自稱爭取勞工權益、時任工黨主席嘅李卓人，喺自己議員辦事處的3名職員離職時，未有向3人支付約20萬元嘅長期服務金同遣散費，而係採用佢自己口中「無良老闆」先至會用嘅強積金對沖機制。
李卓人當時就振振有辭咁話，因為自己「負擔重」，所以冇用自己錢畀離職同事嘅長期服務金同遣散費，仲一邊話「可以做得好啲」，但就為自己開脫，話「要撐住工黨，要諗清楚啲錢點可有更好用途」喎。
網民「Wah Wong」就揶揄道：「自己就負擔重、慷他人之慨、明既（嘅）！」「Leung Tak Man」就話：「原來自己請嘅係可以壓榨的！」「Fui Hung Shek」就嘆道：「肚滿腸肥要幾多先夠？」■香港文匯報記者 羅旦