■鍾舒漫跟舞蹈員留影。香港文匯報訊 鍾舒漫（Sherman）日前為一跳舞學校擔任表演嘉賓，原來Sherman從小已經好想玩這個showcase，今年終於成真，Sherman說：「其實見到佢哋玩咗好多年，我都好想join㗎啦，今年我排舞師阿Rock問我有冇興趣參加嘅時候，我啲心心眼就走咗出嚟。」
活動上，Sherman跳了自己兩首歌《小碎步》和《Be Water My Friend》，再加Janet Jackson的歌曲做Music Break，雖然是自己歌，但都有難度，她說：「每次我都搵到自己跳得唔好嘅位，我會喺屋企移晒啲枱，七國咁亂咁對住塊鏡狂練，同埋拍低片，然後擺喺電腦用program逐個動作睇嚟執。加上今次埋多咗一段新舞，所以都有啲難度。」
Sherman又坦言自從做了歌手後，好多時都要拿着咪邊唱邊跳，變相跳舞的力會分散，難以完全享受跳舞帶來的滿足感，「我知道香港鍾意跳舞嘅歌手都會有呢個諗法『會唔會有一個show只係跳舞呢？』，我曾經諗過好唔好夾埋一啲會跳舞嘅歌手，搞個唔駛唱歌，只係跳舞嘅performance，咁就好啦。」