■右圖：姚松炎近日發帖被同路人恥笑。 網上截圖在疫苗爭議中，大家都可以看到「偽專家」對社會的為害比無知者更甚。代表反對派參加立法會九龍西補選的姚松炎經常掛出「專家」的頭銜，事實就以似是而非的數據誤導市民，像新年度財政預算案公佈後，他就聲稱「香港賣地的所有收入都不會用在民生支出」，就連反對派同路人、「人民力量」前主席劉嘉鴻也睇唔過眼，話只要一打開今年財政預算案，就知嗰位人（仁）兄嘅「見地」係幾咁令人失笑。
姚松炎近日發帖推銷其「合作社房屋」建屋的政綱。為加強說服力，佢就話特區政府賣地所得的金錢「都會直接撥入基本工程儲備基金」，只會用來「興建基建大白象工程」，不單對民生沒有幫助，且「百害而無一利」，「租金、樓價及舖租都會因為地價通通上升，造成百物騰貴的境況。......土地賣得愈貴，大家的生活愈痛苦」云云。
如果係一個普通市民，講吓嘢係無妨嘅，但佢既然自稱這方面的專家，又係代表反對派參加今次立法會補選嘅人，仲公開發表呢啲不盡不實甚至完全錯誤嘅言論，就實在太不負責任了。身為「同路人」嘅劉嘉鴻就發帖，不點名批評姚松炎呢個講法。
劉嘉鴻喺帖中話：「有位人（仁）兄，先姑隱其名，不停『好有見地』咁話『賣地收入並不會用在民生支出』，因為『政府賣地所得的金錢都會直接撥入基本工程儲備基金，只會用來興建基建大白象工程』。我一聽就已經覺得唔妥。」
劉嘉鴻：從來撈埋一條數
他解釋，「政府財政儲備底下一般賬目同嗰八個基金，從來都係撈埋一條數，幾時分得咁開？難道呢位人（仁）兄有咩高見？何況就算法例寫咗啲基金只有特定用途，一樣可以改法例。唔改得法例選你入去做議員托×呀？」
所謂「有圖有真相」，劉嘉鴻上載咗預算案的相關內容，直言：「只要一打開今年財政預算案，就知嗰位人（仁）兄嘅『見地』係幾咁令人失笑。圖中係2018 / 19年預算劈頭第一頁。大家見唔見到，『基本工程儲備基金』來年會轉撥800億出去，其中774億會去『政府一般收入賬目』。」
他質疑姚松炎：「請問呢774億唔係做民生係做咩嘅呢？『基本工程儲備基金』來年預計會有1,299億收入，就係來自賣地，請問你話喺現行法例下賣地收入會唔會用喺民生支出呢又？」
網民「Henry Lau C」就留言揶揄姚松炎：「好多左膠最鍾意玩弄數字，你花少D（啲）時間就中計。」劉嘉鴻則嘆道：「但係呢單講足成個月，仲當係發現新大陸㗎！」
￭香港文匯報記者 羅旦