■年屆90的李嘉誠昨宣佈5月退休。 法新社睇投資
■「咁多年嚟我都唔會佔股東的便宜，𠵱個係我做人的原則。」
■「自己開始做生意時一心一意，永遠唔呃人，行正路，正路一樣有條路你行。」
■「至於走資，我只能夠講，(那些人)連一般經濟知識都無先講啲咁嘅嘢。」
睇樓市
■「例如一個大學未畢業的男仔，佢女朋友同佢講如果你無樓我唔同你結婚，如果我係嗰個男仔，我會同佢講你趁𠵱家搵過第二個。」
■「樓買嚟自住無問題，未來利息會加，但我睇唔出會加到離離譜譜，加2%至3%已經不得了」
■「做生意個個都想減稅，咁多年嚟我都話加啲稅，教育醫療方面固然係重要，但房屋的問題現在已水浸眼眉，居屋好，公屋好，都要起多啲」
睇政治
■「如果我有資格投票，投習主席連任多一期，我會投畀佢。」
■「香港人有時如果要求得太多，政治的嘢多數都要compromise(妥協)。」
■「我認為林太做得好好，佢已經全心全力為香港做事，批評人容易，但做就好困難，我相信佢工作的時間比你同我都長。」
睇退休
■「如果一間公司做到咩嘢都我𠵱個顧問去做，咁我點解要辭職呢」
■(會唔會出自傳﹖)「我如果講真話，會得罪好多朋友，但講假話我又唔想。」
■(Richard會唔會加入長和﹖)佢唔會，Richard現在大把生意。我畀佢的錢足夠佢現在的生意好多倍。 ■整理：莊程敏