■無綫昔日「新五虎」難得重聚，並擺出當年的合照甫士。香港文匯報訊（記者 李慶全）古巨基（基仔）一連五場紅館演唱會昨晚去到尾場，基仔曾於第二場發生墮台意外，但負傷的他仍堅持於十多分鐘後再上台繼續演出，幸之後到醫院進行檢查並無大礙。
而意外發生後，連日演出尚算順利，昨晚正值尾場，架上黑超穿黑Tee的基仔於5時半在紅館後台拜神，見他步伐緩慢，轉身都要整個人轉，英皇高層霍汶希上前問候。基仔都有指指、摸摸條頸，似表示仍「頸梗梗」，其太太Lorraine都有現身後台。至於拜神上香時，基仔都表現誠心，口中唸唸有詞，應是希望尾場能演出順利。
至於前晚第四場，基仔請來過去在TVB的好拍檔「新五虎」當特別嘉賓，其餘四虎古天樂（古仔）、吳家樂、劉愷威、何遠恒齊齊上台。他們先跟基仔合唱《當年情》，繼而合體重演當年舊照的甫士，當基仔落台換衫，留下四虎在台上閒聊，大談對基仔的印象。古仔說：「基仔好飲得。好識做蛋糕......整餅。好跌得，這樣（指日前意外）都可以繼續撐落去，好嘢！」
古仔哀求不想再跳舞
及後各人大跳古仔曾經最Hit的「拜神舞」《今期流行》，笑到觀眾碌地，令古仔求大家放他一馬：「唱歌可以唱，但舞就不要逼我跳啦！我拜神拜了這麼多年，不要搞我啦......」之後基仔出場，與四虎一齊邊唱《我愛毛查查》邊和觀眾握手，令全場氣氛極度高漲。