■于淼擁有42吋長腿。華姐出身的于淼（Maggie)最近在電視劇《逆緣》入面，飾演70歲姜大衛老婆，引起不少人關注。劇中，頭髮長長、白白淨淨、眼睛大大的于淼，笑起來好甜美，被森美稱為「將軍澳范冰冰」，迷倒唔少宅男。
樂做「御用阿伯殺手」
于淼近年同不少前輩合作，除今次飾演姜大衛老婆外，也做過74歲劉丹老婆，被網民稱為「大台御用阿伯殺手」，于淼毫不在意，只因在這些前輩身上偷師，學識不少演戲技巧。「我初拍劇，咩都唔識，連企位都唔啱，大家好肯幫我。像今次同John哥合作，聽佢講好多以前拍戲的事。拍咗劇3年，自己愈來愈喜歡在戲劇世界做不同的角色，現在也懂得為自己的角色去寫一些小傳，了解人物心態。初來香港，自己廣東話講得唔正，初初都有跟老師學，不過而家有基本底，老師都叫我唔使上堂，最重要在家大聲講出來。現在以煲劇同看新聞來學習廣東話，也堅持用咬木塞讀報紙來練習。」
擁有42吋長腿的于淼，畢業於大連民族學院國際商學院，於2012年代表大連參加「國際中華小姐選舉」，雖然最終落選，但係就入咗無綫。家人均居於北京，隻身來港發展，原來于淼細細個已對香港有情意結。「小時候睇香港的劇集，已經十分喜歡廣東話。選華姐真是一個機緣巧合，雖然最後落選，但公司話同我簽約，我諗都唔諗就立即答應。可能有些人會覺得現今內地影視圈更多機會，但我份人喜歡腳踏實地一步步做好自己，連根基都未打好，就算比我遇到機會，都未必做得好。來緊開新劇《多功能老婆》，跟黃浩然做有感情線，仲要同影后楊千嬅爭老公，自己也十分期待。」■採攝：植毅儀