香港文匯報訊 謝霆鋒早前於覆蓋全球美食競技節目《名廚爭鋒》中，跟來自加拿大的名廚David Rocco以東西方美食進行廚藝對決，最終霆鋒奪得冠軍。日前，美國國家地理頻道發佈一條官方訊息，就是FOX傳媒集團亞洲製片總監Sam Gollestani發函祝賀霆鋒奪冠，Sam Gollestani於信入面稱讚霆鋒的努力和專業：「作為呢個咁成功嘅節目入面嘅第一位優勝者，無疑係一個偉大嘅成就。呢個唔單止反映出您嘅努力，同時亦係您專業廚藝嘅佐證。我哋感謝您嘅參與，並祝您今後嘅烹飪事業中再鑄輝煌！」
據知，這次是FOX首次對一個節目發出官方信函，而今次更是繼米芝蓮向霆鋒頒佈首位「米芝蓮之友」的榮譽後，第二個國際權威媒體對霆鋒廚藝作出官方認證。對於再次得到國際認可，霆鋒話：「好開心，亦都好榮幸。嚟緊當然會繼續努力，希望做到畀世界各地唔同嘅人知道，中菜都可以係時尚同健康，如果大家想維護中菜，真係要慢慢一步一步走向世界。」