■梁智鴻、梁智仁、徐立之、陳智思和鄭耀棠與傳媒聚會。香港近年潮興「非黑即白」──不是自己友就是敵人，令人懷念意見不同仍互相尊重的歲月。工聯會榮譽會長棠哥鄭耀棠，和曾任標準工時委員會主席的「金刀梁」梁智鴻當年不時「針鋒相對」，但在「關鍵時刻」，金刀梁原來「救」過棠哥一命──當年，金刀梁發現棠哥走路姿態不妥，勸告他做手術，讓棠哥避過癱瘓之災。
過去三十多年來，金刀梁更出任不同公職，曾經擔任基本法諮詢委員會委員、香港行政會議成員、香港立法局議員、香港醫學會會長、香港醫學專科學院院長、醫院管理局主席、香港大學校務委員會主席、安老事務委員會主席及標準工時委員會主席等。
《金刀會客》邀猛人講政經
有線電視由周日（23日）開始，逢周六晚上7時30分及10時30分在財經資訊台播出由金刀梁主持的《金刀會客》。他邀請了自己的好朋友，來自政界、金融、工商、醫療、社福界不同界別的頭號猛人，以半小時訪談形式，跟主持一同分享，為社會、醫療、民生努力的一些鮮為人知的故事和經歷，一同為關切的社會問題斷症。
金刀梁昨日和多位嘉賓，包括其親弟、醫院管理局主席梁智仁，行政會議召集人陳智思，港科院院長及創院院士徐立之及棠哥和傳媒聚會。其間，棠哥就談到自己與金刀梁的一段「往事」。
話說棠哥在2011年因頸椎移位而做手術，最終成功康復，原來與金刀梁有關。棠哥說，遠因是自己年輕時經常「跳舞」，包括打空翻等等，雖然經常受傷，但因為年輕，睡一覺就沒事，「近因」則是兒子為他買了iPad，令他經常低頭看，所以就「出事了」。
2010年10月，棠哥和友好去武當山旅遊，山路陡峭又冇吊車，上落山行咗三萬幾級石級，到返山腳時忽然覺得手腳麻痹。返港後，佢立即搵骨科醫生詳細檢查，仲照埋磁力共振，發現原來頸椎移咗位。當時佢感覺四肢無力，右手拎唔起筷子，惟有用左手拎，令工聯會一班朋友以為佢中咗風。
喺岍V椎出事，在嘗試過各種方法都無效後，有一次開行會時，金刀梁發覺佢行路姿態唔妥，叫佢快啲搵醫生搞掂。棠哥都可謂有苦自己知，因為醫生提醒過，做手術糾正有極高風險。
不過，佢最終都聽咗金刀梁話去做手術：「金刀梁話唔做手術就會癱，而做手術嘅風險，最嚴重嘅情況都係癱，所以最後都做手術。」
商標時好唔妥 其實有偈傾
棠哥現在生生猛猛，仲話人哋以為佢當年同標準工時委員會主席嘅金刀梁好唔妥，但查實大家立場唔同，但金刀梁唔係打工仔，唔明會問，同時願意聽意見，所以大家關係其實並唔差。
金刀梁喺節目仲首次同弟弟梁智仁同台。兩個人都做過醫管局主席，節目中就講吓�哋當年點樣處理香港醫療體系嘅問題，又有徐立之講創科發展，同陳智思擔任社聯主席多年，點樣可以出身富裕之家仍能夠貼地推行社會服務及扶貧措施等等。 ■香港文匯報記者 陳川