■反對派議員在會議開始時背向梁君彥，並高呼口號抗議。香港文匯報記者劉國權 攝在立法會昨日大會期間，反對派聲稱要向主席梁君彥表達對他在審議「一地兩檢」條例草案安排的不滿，於是就做咗一件「驚天動地」嘅事，就係喺梁君彥進入會議廳時背向對方並高呼口號。唔少網民睇完後就恥笑反對派好似細路仔發脾氣咁，只識做小學雞嘢。有人揶揄話自己每日都背向老闆幾秒「抗爭」，有人則話反對派議員係咩水平大家都知，諗到「新招」畀人睇吓已經巧叻叻！
反對派議員為他們即將提交不信任梁君彥的動議造勢（見另稿），趁昨日立法會大會動作多多。「新民主同盟」議員范國威等就在梁君彥進入會議廳前，在走廊舉起寫上侮辱字句的紙牌追住梁君彥。當梁君彥進入會議廳時，各反對派議員就背向對方，並在座位上高呼「梁君彥可恥」等口號。
梁君彥警告各反對派議員，倘再叫囂就會被視為行為不檢，並要求建測界議員謝偉銓開始讀出他提出的第一項口頭質詢，反對派的抗議行動中止，部分人更離席。
做戲當交代 免被話白袋
唔少激進派網民對傳統反對派中人咁「激進」嘅做法都睇唔過眼，紛紛恥笑（見表）。「Ken Cheung」就揶揄：「大家咪鬧住，本來議事廳唔到佢地（哋）話事，要佢地（哋）衝又唔敢，又要對支持者有所交待（代），費事畀（俾）人話淨袋九萬六（薪津）。經過一輪苦思之後，大家終於諗到突破困局嘅辦法，就係擰轉面。」
fb專頁「墳場新聞」的「屍永青」在轉發有關新聞時更發文：「痴（黐）線。呢班戲子幾時死？」■香港文匯報記者 陳川
網民譏無得上鏡犧牲大
黃鵹：我上一次咁做應該係小學三年級，佢哋幾歲......
Stephen Leung：咁都俾呢班天才諗到。
Raymond Koo：我每日返工都會背向張枱罷工N次，每次十幾廿秒，日日持續地向老板（闆）抗爭。
Jeremy Lui：好驚天動地呀×，獻世派士氣大跌，唱番（返）句「誰能及我驚天動地~」
Mansan Chu：低劣戲子，港豚肯受，你情我願，長做長有。
MT Lam：無得正面上鏡，好大嘅犧牲！感受到佢地（哋）嘅憤怒！
Dicky Cheung：擰轉面太激進喇，我接受唔到囉！
Isaac Shea：打份工啫！大家都係打工仔，可必苟（苛）求人地（哋）做太多呢？
Boris Chan：做小丑袋咁多，就算跛左（咗）或者癱瘓，都照做啊！
資料來源：fb留言
整理：香港文匯報記者 陳川