■「鳩嗚團」成員直踩AV仁律師行，抗議「民主動力」協調偏頗、濫權霸道。2019區議會300截圖為咗爭位，反對派又再上演「第N次鬼打鬼」。「民主動力」近期在協調下年區議會選舉反對派出選名單時，確認民主黨蔡耀昌（九哥）將會出選東涌南選區，惹來「傘兵」組織「東涌人」成員王進洋不滿。而王更喺伭acebook上明言「民主黨今天起不是我的同路人」，與「人民力量」關係密切的一眾「鳩嗚團」成員，日前（22日）更直踩鴿黨（民主黨）AV仁（何俊仁）嘅律師行抗議，批評AV仁等偏私，以元老威權壓頂。
插九哥撞區「鬼打鬼」
喺上屆區議會選舉中，王進洋出選離島區議會東涌南選區，最後就輸咗，但就表明會再參加明年區議會選舉。
都係嘅，區議員「坐底」三皮嘢又有光環，邊個唔想做？但係之前「民主動力」將當區出選權畀咗「九哥」，想搶人飯碗，王進洋梗係不滿啦，即時喺fb炮轟「民主動力」同民主黨。
就在前幾日（22日），如同「人民力量」分支嘅「鳩嗚團」成員，就直踩鴿黨AV仁嘅律師行，抗議「民主動力」協調偏頗、濫權霸道，鬧爆九哥唔理同「傘兵」撞區出選，以元老威權壓頂「大蝦細」，「係大黨分餅仔」嘅行為。
「鳩嗚團」直踩「AV事務所」
佢哋話擔心九哥空降富東選區會鎅走王進洋嘅票，「鬼打鬼」反而令建制派坐享其成。「鳩嗚團」由中環遊行至AV仁嘅律師行，要求AV仁將佢哋表達不滿嘅信件，轉交畀「乳鴿」趙家賢，但AV仁就一於龜縮。
網民「Pak Yen IP」就留言批評反對派「鬼打鬼」行為：「其實，你們（反對派）已經被分化，實質上已經是中了離間計，所謂甚（什）麼動力的組織其實就是專做離間任務，令你們『民主派』人士互相仇視！」
「Asato Wong」就不滿九哥空降一舉：「叫『民主黨』返（番）歸啦！」
「Willy Chan」更狠批「乳鴿」假中立真偏頗，暗指趙家賢喺「民主動力」暗幫鴿黨：「『民主動力』趙家賢本身就係爛鴿！」
「民主動力」有欠公信力、濫權霸道都唔係第一日嘅事，希望佢哋好自為之！ ■香港文匯報記者 鄭治祖