■仇思達狠批陶君行的「解釋」。 仇思達fb截圖社民連近日被社會各界狠批佢哋食劉霞嘅「血饅頭」，一邊話要「聲援」劉曉波遺孀劉霞，但藉住「聲援」活動而籌到嘅款項就一個崩都唔會畀劉霞，厚顏程度令唔少網民大開眼界。不過，社民連中人就接連作出「關公」回應，繼長毛（梁國雄）之後，廢陶（陶君行）近日又喺網台聲言自己冇話過幫劉霞籌款。有網民狠批佢哋呃捐款嘅行為仲無恥過假和尚街頭騙案，「假和尚冇用人哋啲相，佢哋都係cosplay（扮）佛教徒啫。但長毛走去用人哋啲相籌旗。」
長毛廢陶稱無話幫劉籌旗
幾個籌款箱擺喺「聲援」劉霞街站嘅當眼位置，智力正常嘅人都會認為係幫劉霞籌款，但日前社民連班人俾人追問啲捐款有冇畀到劉霞時，長毛竟然眼都唔眨就話自己冇講過話幫劉霞籌款。
當時成班網民已即時摷返啲籌款相出嚟對質，但正如「Cho Ho Kai」形容，班人「面皮厚過地殼」，廢陶近日喺坉蚨竷x節目又再次「澄清」，正式將責任推得一乾二淨。先一句反問「我幾時有一句說話，係話畀劉霞㗎？唔好老屈啦！」再一句強調「從來無人講過，係話幫劉霞籌款。喂！??家佢有德國佬照啦，講得直接啲吓嘛！德國政府唔多錢過我哋？」
神駒仇思達睇唔過眼，喺facebook反問︰「咁以後唔使賑災，籌完啲錢然後話人地（哋）國家政府多錢過你，個個籌俾（畀）自己袋呀？」反對派時事評論員王岸然（黃覺岸）都轉載神駒個post（文）批評長毛同廢陶喺度「語言偽術」︰「唔講明但比（畀）人錯覺為之誤導。」
唔少網民都再度追擊呢個問題。「Owen Wong」反問︰「開宗明義寫住人哋個名，之後話啲錢唔係俾（畀）人，咁×好笑嘅咩而（??）家啲人？」「Adrian Lu」亦問︰「借人名籌款原來可以咁解釋，喂阿哥咁你用人個名有無問人呀？」
「Alexander Lam」就形容︰「歡樂滿東華如果唔係籌錢俾（畀）東華，明愛暖萬心如果唔係籌錢俾（畀）明愛，晨早俾人告咗行騙啦！」
「Nang Cheng」狠批︰「根本同假和尚一樣，行騙。」「Astor Kit Yu Lo」補刀︰「衰過假和尚，假和尚冇用人哋啲相，佢哋都係cosplay佛教徒啫。但長毛走去用人哋啲相籌旗。」
「騙子講真心話」感動網民
都有班網民開始去「理解」長毛班人嘅「解釋」。「Chris Yuen」解讀︰「唔係幫人籌款，即係借人個名昆水自己袋，咁仲×街！」「Le Jun Wong」亦話︰「『泛民』只係識借劉生劉太個名去cap水（斂財）啫。」「Jimmy Caesar」揶揄︰「感動，第一次見到尐（啲）騙子對住鏡頭，講真心話！」「Owen Leung」就退一萬步咁反問︰「 咁之前（嘅籌款）呢？飛去德國唔係幾年前既（嘅）事wo（喎）！」 ■香港文匯報記者 甘瑜
