社民連長毛（梁國雄）同廢陶（陶君行）將「聲援」劉霞籌款活動，變成劉霞「冠名贊助」籌款活動，咁嘅解釋雖然無恥，但總算叫做正面回應。相比之下，同屬社民連嘅黃浩銘就成件事淨係見到人哋話佢「五短人」，寧願喺facebook出文大談自己身體部位長短，都唔肯講吓籌款件事，反對派時事評論員王岸然（黃覺岸）就出文批評︰「笑人5（五）短身材係好無品，不過就係教育水平低似雄仔（長毛）之流的人慣常之語。村長（黃浩銘）係大學生，識得自嘲之餘仲暗示自已（己）×長，好×幽默咩？」
劉霞突然「被冠名贊助」，咁血淋淋嘅事實�喺大家面前證明社民連cap水（斂財），解釋唔到籌款，「五短人」黃浩銘咪同解釋吓大家無從考究嘅身體部位囉。香港文匯報日前報道「五短人」俾人追問籌款問題時一直唔答，只係鬧人「五毛」，「五短人」終於有回應，但都唔係講籌款，而係話自己「除了腳短之外，其他都不短於常人，這才是我煩惱最深之處」。
王岸然譏「好幽默？」
特登開post講啲咁有「公共性」嘅話題，真係震驚唔少人，王岸然都出文質問佢「好×幽默咩？」仲問除咗長毛到底有邊個有共鳴。
不過，「五短人」講到咁私隱嘅部位，又真係勾起咗網民其他回憶。「Wing Yin Chan」就重提舊事︰「佢（黃浩銘）話揾（搵）個㗎妹宣示主權，don't u know that（你唔知咩）？」 話說幾年前「五短人」曾經喺講釣魚台問題時，就話要「去夜總會搵條日本妹宣示主權」，最終俾人狠批佢侮辱女性而俾社民連割席，「五短人」都死死氣咁道咗歉。
從政唔講正經事、唔回應籌款去向，淨係識講啲咁嘅嘢，「Hung Pok Wong」都揶揄︰「怪唔之得『雷動』都?（幫）唔到啦。講嘢咁低B，抵輸！×長有×用咩，用條×同市民溝通咩？」 ■香港文匯報記者 甘瑜