■「JoJo Wu」恥笑黃浩銘唔知道「五短人」呢個「朵」係出自長毛把口，變咗放回力鏢。 fb截圖留意吓隊友情況得唔得？唔好一開口就製造回力鏢啦。早排沉迷同網民嗌交嘅社民連長毛（梁國雄），有次同「神駒」仇思達嗌交時就攻擊對方「五短身材」，點知俾神駒秒回「『五短身材』係你隔籬個黃浩銘」之後就冇聲出，仲搞到「村長」黃浩銘俾人恥笑，香港文匯報都有報道呢件事。唔知村長係咪想同長毛冤冤相報，喺76日之後嘅，噚日點名文匯報，話自己「只係腳短」，引埋工黨何秀蘭等人留言話文匯報「攻擊對手外貌，無品」，咁就一大個回力鏢飛返去長毛度。
黃浩銘噚日喺facebook出post話「其實《文匯報》有所不知，除了腳短之外，其他都不短於常人，這才是我煩惱最深之處」。
除咗引嚟何秀蘭留言鬧《文匯報》「無品」，仲有民主黨李永達留言話「bad taste（低俗）」。
不過，實情係呢堆說話全部出自長毛把口，香港文匯報讀者、一直追擊開長毛嘅「JoJo Wu」就恥笑話︰「笑×死！『村短』黃浩銘以為『五短人』呢個名係《文匯報》改，原來佢唔知道呢個名其實係佢老死毛哥幫佢改！......成班友罵緊毛哥都唔知。」
係囉，你哋唔好咁啦，長毛近日咪唔再同網民嗌交囉，就算唔鍾意俾人話「五短」，都唔使整個回力鏢佢歎㗎。■香港文匯報記者 甘瑜