■思城現正與北京市政總院在深圳建立大灣區創新中心。圖為深圳市。資料圖片思城控股作為一間建築設計公司，辦公室非常有設計感，記者採訪當天抵達辦公室，已被其特色裝潢所吸引。記者更留意到思城控股的工作人員都相當年輕，原來與公司政策有關，梁鵬程指公司是刻意年輕化，因為設計需要有想法的人加入，並笑說：「佢哋嘅能量、反應樣樣都快過我哋。無得牙擦㗎，打鋪機你就知。」
梁鵬程表示，公司曾進行研究，33歲以下的年青人佔公司人數約55%。他坦言：「我哋一向都覺得，呢個社會都係年輕人行先，老人家追唔上。」符展成亦補充：「我哋做創意行業，包括城市設計，年輕人第一創意高，第二可以捱夜。咁你順理成章都諗到應該係咩年紀，唔通我哋啲年紀走去做咩？」
符展成跟記者分享一個小故事：「我哋同北京市政總院合作，你知佢哋啲院長、副院長、所長年紀都相當大，我哋嗰陣派人去傾BIM合作，然後佢哋話：『副總，你帶來的人好像年輕了點？會不會經驗淺了些？』然後我就回答：『你跟他們打遊戲機，看誰輸誰贏。』其實我哋𠵱家做嘅嘢就好似打機，今日我唔畫圖，做一個虛擬建築物，咪即係打機囉。」
符展成稱，公司目前員工約1,000人，當中內地佔600多人，香港佔400多人，內地那邊的人更年輕。公司未來將會撥更多資源到大灣區一帶進行拓展，招聘更多人才。