■董敏莉大膽地走近鹿拍照。香港文匯報訊 早前宣佈懷孕的董敏莉（Monie）日前聯同家人出發到日本大阪旅行，適逢當地早前發生地震，旅程因而一度考慮取消，Monie說：「其實每年我都會同家人一齊去旅行，今年就連埋肚入面嘅BB一齊參與。其實由年頭開始夾家人的時間，點知出發前就有地震，所以都擔心㗎，加上日本熱浪持續，朋友都有勸我轉地方，但係屋企人都準備好酒店同機票，見情況有好轉所以照常出發。」
董敏莉笑言每天都準備好風扇、退熱貼和毛巾才出發，而老公沿途呵護備至，令Monie未感到辛苦：「當地日日都三十幾度，大汗淋漓咁去每個景點，加上孕婦體溫比正常人高，我又唔可以食凍嘢，唯有睇住老公食西瓜、雪糕解暑。」
Monie笑言今次日本團「伙食差」，為肚中BB戒口：「咩都話唔食得，魚生嗰類唔使預我，唯有食多點水果補數。其中一日我哋去咗動物園，我行埋少少同鹿群影相，老公就好擔心叫我護肚，因為怕佢哋撞到BB，呢份細心真係拍拖嗰時都未見過。」