■李克勤邀請陳潔儀擔任嘉賓。香港文匯報訊 李克勤上周於新加坡舉行《李克勤成立三十周年世界巡迴演唱會》，年多沒到新加坡演出，當然是一票難求全場爆滿。今次克勤特別邀請陳潔儀（阿Kit）任嘉賓，去年才剛離婚的她，神采飛揚上台，直言這是2018年首度上台演出，之前一直都只是錄唱片及放假。
新加坡人阿Kit上台後直言，新加坡人真的不及香港人搏命，好像她今年只是錄了隻唱片，然後就一直去玩去旅行，2018年第一次台上演出就是任克勤嘉賓，「我哋新加坡人真係好relax，冇你哋咁勁！克勤我識你咁耐，你都係日日搏命工作，精力無窮成個超人咁，真係好服你。」克勤就笑言：「我都好想去玩呀！不過到呢個年紀，有得做就做啦，我驚冇得做呀！你11月新加坡演唱會，請我來做嘉賓我都來㗎！」
囝囝親近海豚償心願
這次到新加坡，克勤全家也有到齊，所以演出完之後，他就留了兩日，帶小朋友去環球片場及親近一下海豚，「兩個小朋友都想見下海豚，今次終於可以得償心願囉，同海豚游水、跳舞、握手，又kiss kiss，走嗰陣都唔捨得，佢哋都覺得海豚真係好可愛。」
克勤本月15日又要到佛山巡演， 「佛山係四面台，成個香港演唱會所有製作都搬過去，成年冇吊過威吔啦，之前喺美國巡迴都搬唔到咁大個台過去，冇吊過，所以最近都要練返，又要再排返舞。另外又忙緊錄國語唱片當中，一返來香港就都係冇停咁做嘢。」