■受風暴影響，雨僑今次旅程如走難。香港文匯報訊 因受颱風飛燕影響，雨僑與老公羅力威滯留日本大阪多天，最後自行改行程明天從宮崎飛香港，否則20號也未必能飛返港。
雨僑憂心地謂：「現在當地情況很亂，公共交通工具都冇位呀，連車都驚租唔到，所以要走的話，唯有改飛宮崎，這是最好的辦法。東京、福岡、名古屋機位也要排到10幾號，票價已升到萬幾蚊一張，跟買劉德華演唱會飛一樣，一票難求！我們一行5人是最後訂到宮崎那班機的乘客，最黑仔的是我們5個都沒有帶國際車牌，即使有車亦開不得，唯有四處『撲』車！JR要轉四五程之餘唔係近，要推住幾個喼，都要搭大半日車。搭巴士就要一晚通頂坐13個鐘，但一上一落就到宮崎。其實我唔敢包宮崎走係最好嘅選擇，只係咁啱好彩有5個機位同所有公共交通工具嘅位，最適合我哋，而且價錢合理！比起一啲扶老攜幼嘅家庭，我哋5個比較後生行遠啲都無所謂。總括而言這次大阪行十足走難一樣！」
經過連番頻撲搶機位、搶車位後，雨僑終於撲到內陸機票去宮崎stay一日，她猶如中獎的說：「連日來在大阪街頭沿途撞到好多香港人，喺曙U大家都好似相識嘅朋友一樣，傾吓點返香港，大家都有不同選擇，有啲有小朋友、老人家都唔想去咁遠。難得逃出生天，索性喺宮崎book咗個resort靚 hotel，當玩多日補償！」