■薛家燕香港文匯報訊（實習記者 張雅婷）薛家燕早前擔任品牌美食推廣大使，並為月餅系列拍廣告。家燕姐坦言：「因為世界各地有好多朋友，過去中秋節都要買好多月餅送禮，而今次做美食推廣大使就有好多試食機會，食完覺得好就買畀海外親友，等佢哋食完都感受到香港過節的氣氛。」家燕姐笑言任「美食推廣大使」壓力甚大，要了解品牌背景及質素才答應推廣：「因為我哋做藝人要有責任感，好多時我哋講咩觀眾就信咩，所以唔可以淨係睇錢去應承一個工作。」
她透露今次拍攝過程輕鬆：「因為都係影幾個鐘硬照，擺完甫士就完成，而且可以試下啲新口味。我自己好鍾意食月餅，但嚟緊我個演唱會12月舉行，為咗Captain Nancy有最佳狀態，今年都要食少啲忍住口，自己唔食都送畀朋友食，咁就皆大歡喜啦。」