■陳學鋒前晚貼咗陷獗艉S喺石山街綜合大樓停車場度偷電嘅相出嚟。 陳學鋒議辦fb截圖「人無恥，便無敵」到底係咪民主黨許智峯嘅座右銘呢？自己涉嫌搶女人手機，議辦涉嫌違反租約，議會內衝擊撞人，連喺停車場偷電都可以俾人斷正最少3次，難怪同佢同屬中西區區議員嘅民建聯陳學鋒都忍唔住「驚嘆」︰「似乎呢個世界真係無野（嘢）可以阻止許議員偷電。」有網民就話，當立法會議員唔係以身作則，而係知法犯法時，唔怪得香港少咗人守法啦！
其實許智峯擅自喺停車場偷電去充佢架電動車已經唔係第一次，上個月底先俾傳媒報道過，仲有兩張佢架車喺唔同車位偷電嘅相做證。當時許智峯已經好大嘅官威啦，停車場管理員勸佢又冇用，傳媒問佢都拒絕回應事件喎。
陳學鋒譏無嘢可以阻止佢
事隔不足一個月，陳學鋒前晚貼咗陷獗艉S喺石山街綜合大樓停車場度偷電嘅相出嚟，講咗句︰「似乎呢個世界真係無野（嘢）可以阻止許議員偷電。」再加埋「賊性難改」嘅hashtag（標籤）。
「Eddiecarol Law」嘲諷許智峯︰「偷慣加搶慣，習非成是，佢已覺自己全對。」「Macy Kong」鬧爆︰「Cheap到冇人性。」「Loretta Ching」亦話︰「樣樣衰野（嘢）一定有佢份！」
「Lin Chun Yau」就留言話︰「唔怪得香港人變得咁差，連立法會議員都唔以身作則，仲知法犯法，警方法律都制裁唔到佢，咁仲邊有人會守法呀？」
件事喺網上俾人聲討得咁緊要，許智峯點回應呢？咪傻啦，佢梗係唔回應。唔怪得之有啲網民已經轉去問民主黨，叫民主黨出嚟解釋吓啦。 ■香港文匯報記者 甘瑜