■陳國偉質疑李卓人為拉票製造社區對立。香港文匯報記者張德民 攝「石硤尾邨本是個好安靜嘅社區，𠵱家反對派一擺街站，就好似『老奉』（理所當然）咁，成幾個鐘吵到拆天。」經民聯石硤尾邨區議員陳國偉斥責李卓人的宣傳方法太擾民：「為咗選舉而宣傳本無可厚非，但佢哋似乎係在社區散播仇恨，好似要促使社區居民之間對立，呢種做法我絕不認同。」
「需要將更多正氣、正能量帶入議會。」陳國偉指出，近年來香港立法會充滿了叫囂謾罵，而這風氣亦開始逐漸影響到社區，「難以接受佢哋（李卓人）借宣傳為名不停喺街站攻擊對手嘅做法，佢哋只係不停攻擊對手，甚至攻擊埋同佢哋同一派別嘅候選人，咁嘅宣傳手法只會令原本和諧嘅社區變得分化。」
龍坪及上白田社區主任羅國豪亦質疑李卓人的做法：「佢哋不停顛倒是非黑白，抹黑政府及對手，也盲目針對政府嘅土地政策，根本係顛倒黑白，也阻礙香港及社區發展。」同時，羅國豪也對與劉小麗同一理念的李卓人能參選感到不以為然：「佢（李卓人）𠵱家明顯只係劉小麗嘅選舉代理人，佢只係借個名畀劉小麗選，佢哋理念亦都相近，政府應該杜絕呢啲『名為自決、其實港獨』嘅人入侵議會。」■香港文匯報記者 張得民