■劉小麗連俾邊個DQ都搞錯。 「小麗民主教室」fb圖片「自決派」劉小麗喺立法會嘅時候經常出醜製造笑料，缺席投票、投錯票、睇錯文件咩都有，成日俾人笑佢發緊夢，估唔到佢噚日示威搞事又搞錯對象。話說劉小麗日前喺facebook係威係勢咁預告自己個示威活動，話要「抗議選管會二度DQ」喎。
喂阿姐，係選舉主任DQ你㗎，選管會冇得過問，解釋咗十萬八千次啦，醒吓啦好冇？
劉小麗就一向錯漏百出，點知李卓人為咗陪妘熊M跟風，噚日大大聲質問選管會主席馮驊DQ劉小麗嘅原因喎，枉佢仲問選管會個候選人簡介會「有咩嘢簡介啫」，不如佢真係認認真真聽清楚、了解候選人要有咩選舉基本常識先啦。■香港文匯報記者 甘瑜