反對派為咗吹捧立法會九龍西補選候選人李卓人，不惜講到佢係「宇宙唯一民主派」咁，但事實上反對派中人係咪都係咁睇？「無敵神駒」仇思達上周六再度開台，幾乎用咗成集節目嚟講李卓人嘅不是，揶揄李卓人成日都將「為工人發聲」、「守護公義」當口號掛在嘴邊，但事實上就「出賣港人」同利益輸送。佢又批評李卓人班人成日都話基建係「大白象」，但其實佢當年都有份投票贊成港珠澳大橋，同近日嗰班喺大橋度笑到見牙唔見眼嘅反對派一樣，都係口中說不身體卻很誠實。
爭外傭居港權圖製票倉
神駒話李卓人出賣港人，咁佢有咩證據呢？原來，李卓人所屬嘅職工盟同工黨一向都係積極為外傭爭取居港權，而李卓人更曾經提出過要修訂將外傭納入最低工資保障，為咗製造外傭票，真係不惜共享香港僅有嘅空間，仲有中產嘅血汗錢，所以神駒都直斥佢「同全港市民為敵」。
出賣完香港市民，李卓人亦好「關照」佢最愛嘅勞工朋友。神駒又爆料，話李卓人話就話站在打工仔嗰邊，點知睇返議會記錄，原來當年喺增加強積金上限嘅議案度妘ㄖ踼晹迆慼C令到僱員同僱主都增加咗筆額外開支，打工仔樂唔樂意就見仁見智，但基金佬肯定好開心囉。
收「黎水」「美水」益家人
李卓人收壹傳媒創辦人肥佬黎（黎智英）錢、職工盟收美國國家民主基金會（NED）約1,300萬元就係人都知，但估唔到神駒又有考古發現，話職工盟曾經俾人踢爆租用獨立屋做培訓中心，違反地契之餘，仲被揭發中心嘅行政總裁就係李卓人姨仔，而佢老婆就係職工盟總幹事，真係好「一家親」㗎。
有見李卓人呢幾日就「明日大嶼」呢個填海計劃抽水，神駒又鬧爆佢當年都有份為港珠澳大橋嘅填海及口岸設施議案投贊成票，再鬧埋成班反對派，揶揄佢哋一有機會就即刻扮晒不滿話基建有幾唔好，但上到橋就笑晒口咁打卡影相，真係變臉快過換季。
見到李卓人出賣港人都仲可以發到豬頭丙咁，網民梗係鬧爆。「Jan Chan Kam Lin」就話：「Cap水（斂財）自己袋，嘢又做唔到。」「Nanki Kiu 」就唔明李卓人同職工盟憑咩咁發達：「點解會俾（畀）錢佢地（哋），唔覺得有幫過工友、市民，自己fat fat（肥肥）！好×有錢，感覺好詐騙！」「Astor Kit Yu Lo 」狠批：「（李卓人）差不多得罪晒所有香港人！」「Gary A Lau」就鼓勵神駒繼續踢爆李卓人︰「『李卓罪人』，續編要講幾集都講唔完，續夠一個月，『關鍵一個月』。」■香港文匯報記者 何西