■阿人上上下下似乎都覺得橋唔怕舊，但就算你受，佢哋都係缺席當飯食啦。fb截圖代表反對派參加立法會九龍西補選的李卓人，又試圖發放誤導訊息。他趁自由黨立法會議員鍾國斌向立法會提交議員議案，要求特區政府就基本法第二十三條立法程序進行諮詢和討論，又再試圖sell所謂「關鍵一席」，題目是「反對二十三條立法」，內文則稱李卓人一旦當選，「民主派就能在直選議席扳平，足以否決議案。」有網民就踢爆，如果特區政府推出為基本法二十三條立法的政府法案，只需在席議員過半數贊成就可以通過，根本毋須分組點票，並批評李卓人企圖借呢個由議員提嘅無約束力議案去誤導公眾。
話說李卓人喺fb發帖，再sell佢係「關鍵一席」。帖文題目大大隻字話「反對23條立法」，但內文講嘅就係鍾國斌個議員動議。
李卓人話，喺分組點票下，立法會直選議席仍差一席才能否決議案，而如果佢喺補選中勝出，「民主派就能在直選議席扳平，足以否決議案。否則，如果保皇黨不幸勝出補選，鍾國斌議案就能在直選、功能組別皆過半下順利通過。」他承認鍾國斌的議案其實並沒有約束力，但就聲稱該議案一旦通過，「將成為林鄭掃除障礙，進行二十三條立法的強心針。」
fb專頁「狙擊政棍小隊」就截咗李卓人幅圖，同時提醒市民「唔好只睇標題俾佢呃到」。帖文話：「飯民為咗議席無所不用其極，企圖用呢個議員提嘅無約束力議案去誤導公眾。如果要為基本法二十三條進行本地立法，政府推出嘅法案只需在席議員過半數贊成就可以通過，根本唔使乜嘢分組點票！鑊鑊都用呢招想焗人『含（淚投票）』，收檔啦！」
帖文並標註咗「要為廿三條進行本地立法嘅話」、「使鬼理呢個無約束力議案」，又重提其他反對派立法會議員多次缺席，包括上周施政報告致謝動議投票一事，「齊人開會投票再出聲啦！」
「唔夠票就縮 乾脆全辭職」
事實上，反對派議員「口裡說不，身體很誠實」，已經令他們在是次補選中再用所謂「關鍵一席」的說法破產。有反對派支持者就死撐。「Vikki Chan」話：「如果十位缺席人士可以改變投票結果的話就抵畀（俾）你鬧，下次鬧人前先計下數31:14，加多十票又如何？」
「Fish Chan」就秒殺道：「黎（嚟）晒唔夠票就唔黎（嚟）？問題係佢地（哋）有冇盡最大責任，咁不如直頭唔好做議員，全部辭職啦，反正佢地（哋）做唔做都唔夠票！」
「Chun Kit Lee」狠批：「改變唔到結果就唔駛（使）表態咁你不如叫埋果（嗰）14個（有份投票的反對派議員）留屋企訓（瞓）覺啦！今次李卓人勝算夠唔高咁你會唔會叫人唔好去投票？」
「Anthony Lee」亦話：「按你嘅說法，即是代表即使他們全數投票也是輸給建制嗎？若是，即代表他們在議會中是沒有任何作用......那麼，請不要再說什麼關健一席......什麼也是徒然。」
九龍西其他候選人還包括陳凱欣、馮檢基、伍廸希及曾麗文。■香港文匯報記者 陳川