■香香抱B手勢都算純熟。香港文匯報訊（記者 梁靜儀）岑麗香（香香）與陳家樂昨日到鑽石山出席「柳井金魚春日祭」揭幕禮。懷有六個月身孕的香香，身穿紅色露肩長裙，腳踏五吋高跟鞋，但仍健步如飛，她笑說：「呢對鞋練過好多次，厚底鞋好啲。」
香香透露老公強強返了加拿大工作，故未能陪她開工，但會在新年前回港一起過年。她又稱今年會多封利是，因去年有很大收穫，對她是很大的祝福，今年會勤力封利是送祝福給大家。近日天氣又轉涼，香香表示有點作病，已看過醫生食藥，所以要好小心，她說：「不過都OK，BB好強，成日踢我，強過我，係『強強BB』。」
活動上，香香玩幫BB公仔換尿片及着賀年衫遊戲時有板有眼。香香透露做了很多研究及上網睇片，朋友又借了很多書給她，遲些更準備上育嬰班，問到強強會否陪她一起上育嬰班？香香說：「老公都會陪我去，因為係佢book嘅，佢好叻仔，現在個人好易攰，好多嘢都靠佢。」
家樂準備着紅底過年
陳家樂表示新年家中會擺放桃花，他笑說：「原本屋企冇擺桃花嘅習慣，但舊年爸爸買咗棵桃花，見我成績又幾好，變成我嘅努力係因為佢擺桃花嘅關係，爸爸仲講明今年會買更大棵桃花，雖然屋企好細。」此外，他年初一不會洗頭，還會穿紅底過年：「爸爸越來越迷信，唔知同年齡漸長有冇關係，唔止我着紅底，爸爸趁有折扣，自己都買了一條紅底。（成個新正頭都要着紅底？）只係初一着，日日着唔掂，條紅邊好易現形。」
近日正忙於在內地拍戲的他，希望年三十晚能趕回港過年，不過他現時最擔心不能幫手搬屋，因屋企最近裝修，家人搬了去另一個地方暫住，他們都想在年廿八前搬返裝修好的屋企過年，由於他不在港，只好找朋友幫手搬屋。
發現家樂說話時有點不自然，他笑稱最近去了箍牙，主要是貪靚，並非迷信，預計要箍一年。他指戴了箍牙套四日，說話時仍未習慣，好像有點「黐脷筋」，而箍牙對他來說更是個挑戰，因為他很為食，箍牙後進食很不方便，所以少了進食，磅數都減了一點。