■《逆流大叔》獲11項提名。香港文匯報訊（記者 梁靜儀）《逆流大叔》導演陳詠燊對於首度獲提名，他開心說：「多謝大家支持，宣佈時我睇住電腦個熒幕，睇住古生同毛姐宣佈，逐個獎都有嗌出嚟，最開心（黃）德斌同（潘）燦良入圍最佳男配角，呢個係好振奮好開心一件事，最佳電影提名係好感動，呢個係團隊合作，我呢套戲最重要係團隊的無私，大家拎大家最好嘅出嚟幫我呢個新導演，所以最佳電影呢個獎係對所有人有最好嘅交待。」他又自爆睇完入圍名單原本好冷靜，但突然爆喊，打電話給太太，大家互相在喊，因為入行十九年，終於有少少成績給身邊人及自己看，好感動。
《淪落人》導演陳小娟說：「好感激金像獎及各位評審、業界多位前輩投票，畀團隊一個好大嘅鼓舞，自己都好感慨，啱啱入行時好開心參加咗金像獎創作隊，喺後台寫稿畀嘉賓，嗰陣時夢想有一日自己可以獲提名，冇諗到真係咁幸運可以第一套戲遇到咁好團隊，台前幕後同發行協助成個製作，圓滿嚟到呢一步，現在仲有提名，好感謝大家，希望之後有更好嘅創作。」她又很多謝創意香港及首部劇情電影計劃的資助，若沒有他們，自己及一班電影新人就不會有機會拍到這個小眾的故事。