■吳肇軒香港文匯報訊 影壇新貴吳肇軒熱愛演戲，同時與音樂結下不解緣。早前他參演張敬軒《百年樹木》MV，又與胡子彤、張蔓莎大玩Busking，更笑言有意合組「小張胡」闖樂壇。然而問及是否真的有意演戲、唱歌兩棲發展，吳肇軒稱：「鍾意同可以當一個職業去做係兩回事！」
吳肇軒日前接受媒體訪問，透露曾經錄歌但一直沒有推出，他大笑說：「咁你就知點解我話唔做歌手啦！其實身邊朋友都好幫到手，但我依然覺得未夠好，當然首歌錄咗亦無謂浪費，我相信總有一日空閒，會將首歌搞埋出來！但歌手係一個專業，所以我都係專心拍戲算啦！」
不過鬼馬的吳肇軒，卻趁農曆新年致電整蠱好友，看看身邊人是否支持他做歌手，順道拜年。馬梓軒提議打給劉嘉玲，吳肇軒耍手擰頭說：「出歌呢啲粗重奶牷A唔好麻煩嘉玲姐啦！」其後吳肇軒嘗試致電給樂隊RubberBand主音6號、小肥、雷深如等好友皆無人接聽，吳肇軒笑道：「我係咪得罪咗好多人？」
吳肇軒再接再厲，好友余香凝（Jennifer）終於接電話。對於吳肇軒的唱功，Jennifer思考了一會稱：「唔算話勁好聽！」此時吳肇軒裝作認真問Jennifer是否看不起他的歌藝，Jennifer說「唔係！我支持你唱歌！」當得悉吳肇軒在玩大整蠱時，余香凝頓感意外，不過掛線前仍不忘祝大家新年快樂！