■古仔出席「金龍醒獅賀新歲」活動。香港文匯報訊（記者 梁靜儀）古天樂（古仔）昨日到銅鑼灣時代廣場出席「金龍醒獅賀新歲」活動，並為金龍及醒獅點睛，大會又安排了小朋友送上皇冠及金咪，寓意他在娛樂圈繼續稱王稱霸及繼續唱好歌。
古仔受訪時被問到豬年是否會多唱歌？他說：「私下唱多啲，錄歌就未打算。（有冇成廿年冇出碟？）都有成十幾年，不過真係冇乜興趣，𠵱家要忙拍幾部戲。」古仔透露稍後將要飛往緬甸及西班牙一個月，拍攝其中一部動作片，說到他有傷患，能否應付動作場面？他說：「都打咗一輪，由舊年十二月到𠵱家，仲有要去鬧市拍槍戰同有直升機場面。」發現古仔頸部位置貼了膠布，他透露早前接受頸骨手術後，醫生建議他貼上去疤膠布半年，故新片也特登加插他中槍傷作連戲。至於籌備多時的電影版《尋秦記》，古仔表示三月便會開拍。
問到農曆年可有發新年財？他笑說：「有返公司派利是，但亦有𢭃利是，好開心，咁大個人仲有利是𢭃，我跟媽咪去拜年，同埋我係長子嫡孫，好多傳統習俗都要我去做。」
受親戚歡迎狂合照
至於可有被長輩催婚？古仔笑說：「好耐都冇，每年都會去七八個親戚屋企拜年，每次有十幾廿人，佢哋影完合照，普通又影一張、派利是又影，𢭃利是又影，寶麗萊又影，又要自拍，一個人起碼影五張相，仲要簽埋名，淨係影相都搞成粒鐘，冇時間講其他嘢。」
身為演藝人協會會長的他，透露協會將推出手機App幫助業內人士，現正進行內部測試，下個月演藝人協會春茗上再公佈，內容主要有演藝人的資料同專長，他們可以自行拍片段放上App，大家亦可以留言給藝人，而電影公司、廣告公司可以透過App找適合的藝人工作，增加互動性。