■師兄為大學千人宴擔任表演嘉賓。香港文匯報訊 劉浩龍（師兄）自從去年為演唱會開始健身，日子有功養成「食極唔肥」的健碩身形。他表示最喜歡在農曆新年吃蘿蔔糕，又自爆吃了不少，但事後不敢怠慢，賀年之餘都要繼續健身作平衡。他解釋，現時練成只要堅持做運動，就可以盡情進食的體質。精益求精的師兄在社交平台笑稱自己是「肥龍」，勉勵自己新一年「繼續堅持、繼續努力」。
任千人宴表演嘉賓
提到豬年首個工作大計，師兄預告將為一套動畫電影配音。他指：「今次好開心幫卡通片配音，係我入行以來第一次，我自己都好期待呢個新嘗試。呢套戲大人細路都啱睇，而我負責聲演一隻奸狡嘅狗仔，希望大家到時入場睇吓我點奸法啦。」
師兄早前又為大學千人宴擔任表演嘉賓，他指自己由2004年起，至今共參加6次千人宴，每次出席都好期待，雖然學生不同，但次次反應都十分好。今年師兄獻唱《Change Your Life》、《思覺失調》，師兄感動道：「在場學生大多係零零後，我之前上網睇過零零後對香港男歌手嘅認識，見到『吳浩龍』、『周國龍』嘅答案，估唔到佢哋都跟住我一齊唱，仲好熱情唔畀我走呀！」師兄隨即Encore半首《二等天使》，又大讚學生反應「好正」，自己都好開心。他又趁機與同場嘉賓胡楓（修哥）自拍，師兄透露，原來二月壽星修哥是千人宴吉祥物，年年都會出席支持。