■古仔旗下的「天下一電影」昨日公佈今年將開拍的多部電影。 香港文匯報記者彭子文 攝香港文匯報訊（記者 梁靜儀）古天樂（古仔）旗下的「天下一電影」昨日於香港國際影視展舉行電影巡禮， 公佈今年將開拍的多部電影，當中包括《明日戰記》、《尋秦記》、《犯罪現場》、《媽媽的神奇小子》、《電影痴漢》、《風雲》、《雞蛋仔》、《紙皮婆婆》、《BABY 復仇記》、《守闕者》、《星塵》、《狂舞派3 》及《使徒行者3》13部片。
昨日有份參與影片的演員、監製及導演，包括有古天樂、劉青雲、劉嘉玲、吳君如、宣萱、林峯、郭羨妮、滕麗名、劉心悠、林家棟、姜皓文、張繼聰、薛凱琪、安志杰及陳靜等，皆有出席發佈會。活動上古仔與《尋秦記》的一眾演員宣萱、林峯、雪兒（Michelle）、郭羨妮及滕麗名等分享感受，古仔說：「當初構思冇想過原班人馬， 回想套劇已經係2000年拍，好多人都想我哋拍返電影版，最終都係覺得要用原班人馬先好睇。」
宣萱指自己知道會開拍電影版，已經開心了幾年：「終於等到呢一日， 好多人興奮過我，所以不容有失。」郭羨妮說：「《尋秦記》 對我好重要， 因為係自己第一部作品，能夠拍電影版， 好多謝古老闆。」雪兒則指已經多年沒有與這班朋友見面，今次是個難得的機會，又可以敘舊。至於滕麗名則說：「因為古老闆同我講要打到七彩， 畀佢嚇一嚇， 希望佢畀多啲錢搵替身。」林峯笑指早已聽過古仔講這個劇本，但每次見到對方都話劇本有修改。
嘉玲青雲首挑戰科幻片
之後古仔再聯同劉青雲及劉嘉玲介紹製作費高達四億五千萬的科幻鉅製《明日戰記》，影片講述地球受到污染沒法生活，更出現污染物，影片更要花長時間做特技。台上古仔表示第一次去到現場覺得好震撼、興奮，因為有些基地及塌了的大廈實景，原來香港人可以做到好大型的電影。對於今次的投資金額，古仔笑言：「都好震撼！」青雲表示拍攝時要穿上三十磅重的盔甲，司儀問到可有受傷？他搞笑說：「自己就冇受傷，你睇我個樣好真，冇CG ，但聽聞古仔受傷，因為佢係老闆。」
會後古仔與宣萱及林峯一起受訪，說到今年「天下一」開的戲比寰亞和英皇兩大公司還要多，古仔說：「 只要好電影同有誠意，電影公司係需要投資，都想電影上有更多創新同本土的題材，( 青雲講笑話你荷包重創？) 冇冇冇， 唔關事 ，拍戲應該要做，(今年電影上投資咗幾多錢？) 呢啲要問返電影公司。」他又透露《尋秦記》很快會開拍，電影版會是電視版的延續。問到另一部電影《風雲》的角色是否已落實？古仔說：「會有一啲新角色加入。」
君如讚古仔投資疏爽
嘉玲及青雲受訪時異口同聲表示未拍過科幻片，所以心情興奮和期待， 戲中嘉玲飾演女軍官，她指最辛苦是要記很多微生物及部隊專有名詞，導演邊拍邊向她講解。問到他們是否打算憑此片幫古仔衝出亞洲？嘉玲笑問：「乜佢唔係已經衝出亞洲喇咩？ 以為佢一早衝出咗。」青雲就指第一次拍科幻電影感覺得題材好新鮮。
吳君如擔任監製和演出的《媽媽的神奇小子》，是改編自殘奧田徑賽金牌得主蘇樺偉的真人真事，問君如是不是演蘇樺偉的媽媽，她笑說：「 我冇演過阿媽角色，仲係蘇樺偉阿媽，我點生得出蘇樺偉，我個女都係得十二歲，好為難。」她指蘇樺偉媽媽的角色還沒有找到人選，呼籲有興趣的人可以去試一試演。
問到可會找蘇樺偉真人演？君如指暫時還沒有接觸蘇樺偉，找當事人也是考慮之一，又可能會進行海選找演員演出。影片是「天下一」投資，問到君如找古天樂投資可有困難？她說：「我之前拍的《金雞SSS》都係古生投資， 同佢已經建立咗信任 ，又幫佢賺到錢，所以一個電話問佢攞錢 ，佢就好疏爽話『得啦 』。」她謂影片預計下半年會開拍，她也未知自己會演哪個角色，可能都會搵劉德華幫手。