■張敬軒前晚獻唱四首歌曲。張敬軒前晚一連獻唱《歲月靜好》，《 明明他已離開你》、《百年樹木》 及新歌《YOU》四首歌曲，又唱又跳。軒仔受訪時自嘲一把年紀才做跳唱歌手：「隻舞排咗幾日，以前唔敢跳唱，現在豁出去，趁自己仲跳得，我係受盧巧音跑馬拉松啟發，要跳出自己個舒服區，都去咗幾磅水。」軒仔稱要反傳統，以往用傳統方式發佈新歌，但今次首新歌就會連同MV一齊在網上推出，又透露MV春光無限， 舞蹈員都是半裸上陣好性感，因為拍攝當日他沒有準備，所以樽領衫上陣。他又承諾若MV過二百萬點擊率就半裸上身加平腳泳褲答謝網民。
他又指新歌很揼本，花了近7位數起用曾幫過很多韓國歌手造歌的美國班底造歌，令他從中學到不少。將於11月舉行個唱的軒仔透露演唱會上會打鼓，因骨杉杉不好看，教練要他由130磅增至150磅。問到是否與密友關智斌一齊操練？軒仔笑說：「我唔覺佢有操練，佢瘦蜢蜢。」