■鍾舒漫出席母親節展關懷活動。香港文匯報訊 鍾舒漫（Sherman）前日以義工身份出席慈善基金會舉辦的母親節展關懷活動，到訪鄰舍輔導會黃大仙康盛支援中心，與一班殘疾人士為母親慶祝母親節。活動上Sherman與一班殘疾人士玩遊戲，她指透過遊戲跟他們接觸，發覺殘疾人士其實相當可愛，亦了解到他們有屬於自己的快樂，而這份快樂會比普通人來得簡單。
活動其中一個環節，是一班殘疾人士將康乃馨送到媽媽手中，真情流露對媽媽表達謝意。看到此情境，Sherman相當感動，「我自己阿媽，照顧我同妹妹都好艱辛，何況係要照顧一班情緒起伏比較大嘅小朋友，媽媽一定要付出更多耐性，同埋愛。」今次是Sherman第一次透過義工活動接觸殘疾人士，令她留下深刻印象，「我好樂意再做義工，希望自己可以起到作用，可能係我嘅出現可以引起少少人嘅關注，只要能夠幫到手，我都會想去做。」
以往母親節Sherman都是請媽媽吃飯，簡單地度過，亦曾經親自下廚。問到今日母親節點同媽媽慶祝，Sherman就話：「因為今年媽咪唔喺香港，所以未慶祝，但媽咪成日都話唔使慶祝啦，因為做媽咪好多嘢要擔心，講笑咁話唔做媽咪啦！」Sherman話今年沒有準備母親節禮物，她笑說：「禮物就係我畀啲力去搵個好男人做男友，哈哈。」